A Poi Bak Si, Kanpetlet ah SAC Ralhrang nih Biakinn Thawhlawm Tiang an Fir

Kanpetlet khua ah SAC ralhrang pawl inn khat hnu inn khat in an lut i thingkuang pawll an bauh i thil an fir hna.

Biakinn thawhlawm kuang tiang in an bauh i tangka an lak.

Mindat he meng 20 hrawng a hlatnak Kanpetlet ah SAC ralhrang nih helicopter tampi in thazaang an rak chap i khuami a tam u hi an zaam dih cang. Cred : The Chin Journal

Relchap : Myothit Kunglaw khua ah KIA le Ralhrangbu kar i kahnak a fak

Moemauk peng KIA le ralhrangbu an in kah tonnak Myothit, Kunglaw khua pawng ralhrangbu um hmun pa 3 ah nizan ah fak ngai in an in kap than.

May 20 zan suimilam 9 hrongah ralhrangbu 100 an chap nak Salongkung Tawartaing sakhan, Myothit Kunglaw le Sihet khua pawng sakhan ah Meithal ngan, meithal hme he nazi cheu chung hrong an in kap tiah khuami pakhat nih a chimh.

“Nizan ah Nazi cheu chung hrong an in kap, hmun 2 hrongah a si, hmun hnih ningin khua he aa naih te. Mipi cheukhat hma an pu tiah kan theih. Zan a si caah zeihmanh fiangfaiin kan theih lo” tiah a ti.

Ralhrangbu nih Alaw Bum cu lak than a dingah Myothit Kunglaw, Sihet le Salongkung ah ralkap thazaang a Thong in a chiah caah KIA nih an kah mi a si tiah theih a si.

The Chin Post