A Poi Bak Si Falam ah COVID-19 mizaw 6 hmuhchap

2021 June 1 zing Falam khuachungmi 6 sin ah COVID-19 zawtnak hmuh than a si.

COVID-19 kong ah taklinh, khuh, le thil rim theihlo tibantuk in a um mi pohpoh Falam sii-innpi ah zinglei fatin 10:00am -11:00 am ah check/zoh a si. Cred : The Hakha Time

Relchap : PDF-Kalay Nih Kalay Peng Mipi Sinah Theihternak Le Ralrin Peknak Cathanh A Chuah Cang!

May 31 ah PDF-Kalay nih cun ralhrang hi biatak tein kan kah cang hna lai caah an umnak kiangkap ah um ti lo dingin mipi sinah theihternak le ralrin peknak cathanh a chuah cang. Cu cathanh cu a tanglei bantukin a si.

Tuni zinglei 8:00 am hrawngah ralhrang rual 50-100 hrawng hna nih Kalay peng Tha Si khua cu an luhhnawh i hramhram in mipi an tlaih hna, an hro hna, thilri an chuh hna. Khuami 8 drawing an tlaih hna pin ah khua chungmi hna sinin tangka sing 50 hrawng an chuh hna.

Ralhrang tuahsernak lehrulhnak ah PDF-Kalay nih Tha Si khuachung ah hmunhma a khuarmi ralhrang hna cu tuni 9:00 am ah kan kharkhumh hna i chun 12:00 tiang kan i kap. Kahdohnak ah a tlawmbik ralhrang 2 an thi i PDF-Kalay lei pakhat hliam a tuar (A fak cu si lo).

Kalay mipi hna cungah ruru hranghrang in a ummi ralhrang hna cu PDF-Kalay nih biatak tein kan kah cang hna lai timi kha kan in theihter hna.

Kalay peng mipi zong nih PDF-Kalay hi kan dirkamh cio u, cun ralhrang hna nih hmunhma an khuarnak zung, sakhan, sianginn le inn hna kiangkap ah luhchuah le umkal lo hrimhrim lo dingin zaangfah kan in nawl hna. (Zalen)

The Chin Post