A Nupi Nih Nuva Sinak A Hmanpi Duh Lo Ruangah

Nu pakhat cu apasal nih nuva sinak hman tti a duh i, asinain a nupi nih nuva sinak a hmanpi ve duh lo ruangah a thinhung i a zuzu a tan ti theih a si. Uttar Pradesh i a um mi nupa hna Ghasi ram kum 37 le Manjhri Devi kum 34 hna hi kum 18 chung an rak i um ve cang. fapa pakhat le fanu pa2 an ngei cang.

Zankhat cu a riantuan nak hmun in a van lawi i, a nupi cu nuva sinak hman tti dingin a sawm i, asinain a nupi nih cun a rak duh lo a thinhung tuk i room chung cun a chuak colh i coka ah a va kal i namte a va lak i, a nupi hmuh lio bak ah a zuzu cu a tan ko.

A thisen hna cu tamlak te a chuak cun a lungmit i a tlu colh, a nupi cu a tih tuk i an inn pa i a um mi nupa hna cu a au colh hna, apasal cu an buaipi colh i doctor an au piak colh, doctor nih cun a hliam hna cu a zohkhenh ve colh.

“Kum 10 chung bak nuva sinak a ka hmanpi duh ti lo ka thinhung ngai. ka pawng zong ah a um tha duh lo, nuva sinak zong a ka hmanpi duh lo hrimhrim tiah an nupa karlak kong cu Ghasi Ram nih a chim.

A nupi nih cun ma ti hin bia a chim ve, zan fatin zu a ri tawn ka ruahning ka chim ve zong ah zeihman ah a ka rel piak lo tiah a chim. Zu a din peng tawn i a rit peng tawn ruangah nuva sinak zong ka hmanpi duh lo nak a si tiah a nupi Manjhri Devi nih a chim ve.