Thiri SAC Ralhrang Kahdoh A Tong Bohmu Pakhat Telin Minung 15 An Nunnak A Liam Pinah!
Shan ram chak lei, Nyaungshwe Township le Thiri khua a um mi SAC ralhrang le Pa-O Pyihtusit sakhan cu May thla mni 12 zing lei sangah Kareni ralkap phufonh hna nih an luh kahdoh an laak piak hna i, SAC ralhrang Tatma (55) BoHmu Hein Htet tel in minung 15 an nunnak a liam i, a nung in minung pa nga an tlai hna i, ttha tein an umter hna i zohfelnak an tuah lio hna a si nak kong cu Phe Khung mipi ralkap phu Tatyin 2 sinin thawng thieh a si.
Shan-Kareni ramri, Moe Bee Ing nichuah lei ah a um mi, Thiri SAC ralhrang gate sakhan cu kareni ralkap phufonh hna nih May thla ni 12 zinglei suimilam 4:00 ah an kahdoh hna i, Tatma (55) in Bohmu Hein Htet telin minung 15 an nunnak a liam i SAC ralhrang ralkap minung pa 2 le PNO minung pa 3 hna cu a nung in an tlaih nak hna kong cu Phe Kung PDF Tatyin 2 nih cathanh a chuah.
Mah sakhan laak a si hnu ah a nung in tlaih mi minung pa 5 ah SAC ralhrang ralkap le PNO ralkap phu chuntel an si nak kong cu thieh a si i, NUG hmunhimak vuanci zung, ram laifang ramthen, Shan-Kareni ralkap Commission sinah an kuat hna i zohfelnak an tuah hna lio a si tiah Phe Khung PDF tatyin 2 nih cathanh a chuah.
US rampi cu hi hnu thla hnih thum hrawng ahcun sipuazi in tlakchiatnak kan tong kho tiah Economists, CEOs, Wall Street le Main Street hna nih an chim. Tutan sipuazi a tlakchiat ahcun phundang deuh a si kho an ti. A tlakning muisam cu, U Shape, V Shape, W Shape asiloah L Shape zong a si kho an ti.
President Donald Trump nih Covid lio ah Lockdown sau tuk tuah kha a rak duh lo. US sipuazi tam tuk a thah lai a rak ti. Asinain Democrats nih Lockdown rumro an rak i hruhpi caah Democrats state tam deuh cu Lockdown sau lak te rak tuah a si hlei ah, zulhphung le restrictions tamtuk in an kham caah small business tamtuk an rak thah hna. Mah lio tuah sernak nih tutan kan ton dingmi sipuazi tlakchiatnak hi a phichuak theipar cu si dawh bik a si.
Biden cozah nih Stimulus check tampi an kan pek nain phaisa a hleihluat tuk in an print caah inflation cu kum 40 chungah a sang bik caan kan phan. Zei hmanh a hleimi a um lo. Gas le zinan cawh a khap caah gas man van a tawng. Arab ram pawl zinan tam deuh chuah dingah a nawl hna nain a phone hmanh an tlaih piak duh lo. Ukraine ram a thawh caah Europe ram ah Russia gas cawk khawh, zuar khawh a si lo caah gas man cu van a tawng chinchin.
Inflation control an duh caah phaisa karh, interest rate an santer caah inn cawtu caah a fawi ti lo. Interest rate 6%-7% tiang a phan. Federal reserve nih interest kaiter chin lengmang an timh rih. Motor cawk hmanh a fawi ti lo. Cu chim chap ah Covid restrictions tam tuk rak tuahmi ruangah Supply Chain vialte a thah hna caah bawhte dinmi, Baby formula cawk ding hmanh a har tuk cang.
Atu lio cu dawr kal, motor cawk le inn cawk cu a kaih lo tatkak khi a si. Inn ngeimi caah inn zuar cu a kaih ve nain inn an cawk duh than tik ah a fawi ti lai lo. US a tlakchiat ahcun ramdang zong a van in phanh colh hna lai a fiang, khoika ram hmanh nih an hrial kho hlei lai lo. US nih a hathio ahcun ramdang cu an cumpi cang” ti a si. Voikhat ipalh hi cu midang ruangah a si an ti. Voi hnihnak i palh cu mah santlai lo bik a si an ti. Hmailei kan lungfimnak caah cang te seh. Credit : Salai Lairamthang
Leave a Reply