SAC ralkap Duh-tatkyat Karenni GZ nih a nung in an tlaih October 2| Demoso ah Karenni Generation-Z (KGZ) nih SAC phu in Deputy Sergeant Thein Zaw cu a nung in an tlaih. Amah hi Shan Ramkulh, Taunggyi khua, Pehtlaihnak Ah-Sa-Ya 10 ah riantuan mi Thein Zaw (kum 37) a si i nihin October 2, Kayin Ramkulh Demoso Peng Konetha khua ah Karenni GZ nih a nung in an tlaih hi a si, tiah Mizzima nih a tial.
Min Aung Hliang cu Putao ah a kal ngam lo i Taunggyi tu ah a kal SAC phu lutlai Min Aung Hlaing cu Kachin Ramkulh Putao ah a kal ngam lo i Shan Ramkulh Taunggyi tu ah October 1 ah a kal, tiah Myawaddy nih a chim. September thla chung ah voi khat, September thla dongh le October thla thokka ah voi khat tiin Min Aung Hlaing cu Kachin Ramkulh Putao ah kal aa tim nain KIA nih siseh, PDF-Putao nih kah ding ah ready kan si ti an thanh hnu ah voi hnih tiang a khuallam aa leet i Taunggyi tu ah a kal, tiin The Irrawaddy nih a tial.
New Delhi i a cam liomi Mizoram Rajia Sabha MP Pu K.Vanlalvena le OSD to Chief Minister hna nih India Central cozah lutlai chawnhbiak rian an pehzulh peng rih.Nizaan zaanlei ah Union Minister of State for Doner Pu B.L.Verma cu amah umnak inn ah an va fuhpanh i Mizoram caah a herhhaimi an chim pi. Doner Minister sin ahhin Lawngtlai to Paletwa lamcawh liomi cu Myanmar ram buai ruangah,. Myanmar lei ah a tlamtlin khawh lo kong an chimh.
Hi lampi Lawngtlai le Paletwa karlak hi Mizoram ca lawng ah siloin India cozah ca zongah Act East Policy hlawhtlinter khawhnak lam a si kong le ram venhimnak ah a herh tukmi a si kong zong an chimh.Hi pinah hin Mizoram chungah Ramchung leiin aa dormi zeimawzat an um caah bawmhchanh khawhnak lam ding zong an hal chih fawn. Union Doner Minister Pu B.L.Verma nih cun October thla ahhin Mizoram tlawn a duh i, an herhmi paoh cu Mizoram chief minister he i ruah te ding a duh kong zong a rak chimh hna.
Leave a Reply