Thantlang peng le Thantlang-CDF karah zeidah kan caan dih e, Salai Phuntant nih, ” CDF thantlang le Thantlang Khuachung ca ah Thla khat te tuanvo a kan lak piak khotu bu le (ralkap ) nan um ah cun CDF thantlang cu kan i din ko lai. Thlakhat te bak (Thla-Khat) (tuanvo vun la ta ulaw aai fiang ko. ) CDF-Thantlang ral nan doh ning” tiphun hna in a Aphunphun in nan hei aukhuang ve.
Thantlang cu kan sikhawh tawk in kan hngah ve.kan kilven ve ko. soh herh nak ah kan soh ko lai kai herh nak ah kan kai ko lai. a ngamh mi nan um ah cun rakra ko uh. nan duh ning si lo ah cun rak kan hruai uh. Media pawl zong duh poh in bia chimmi pawl hi i ralring deuh cang uh Vomkhuai Ngalhriang hmanh nih tonghmang lo in mi an bawh in ral an seh lo.” tiah a Faceboom cahmaaiah a tarlangh.
Sagaing ramthen Sagaing le Shwebu Motor lampi ah Kawl tralhrang pawl cu ke 10 ngei Motor lian pipi in an rak rat lio ah PDF nih bomb an puah hnawh hna i ralhrang 70 leng an thi tiah PDF nih an thanh. June 2,2022 zanlei ah khan ralhrang pawl hi Sagiang le Shwebu kar Motor lampi ah PDF nih bomb an puah hnawh hna hi a si. Ke 10 ngei Motor lianpi pahnih zong ai rawk chih. Ralhrang pawl hi a thimi le hliamtuar mi an tamtuk caah nihin June 3,2022 lawng ah a thimi pawl ruak an rak lak khawh hna tiah an chim.
NUH humhimnak vuanci nihcun sianginn ah a ho hmamh nih, mi zei phu hmanh nih buainak tuah lo ding. Mi zei phu hmanh nih sianginn ah buainak an tuah ahcun kan duh lai lo tiah NUG nih an thanh. NUG humhimnak vuanci nihcun kan ralkap pawl zong sianginn ah buainak tuah lo ding le nuhrin covo zul ding in kan chimh kan cawnpiak hna tiah a chim. NUG nih an chim duhmi cu sianginn ah ngakchia sianginn an kai lio ah kahnak chuah pi lo ding. Sianginn ah bomb puah lo ding. Sianginn cu ngakchia umnak a si i civil mi umnak a si ruang ah ti khi a si ko.
Ralhrang nih uknak an lak hnu ahhin sianginn ah voi tampi kahnak a chuah. Sianginn ah voi tampi bomb a puah. Chin ramkulh chung sianginn tampi zong ah bomb puahnak voi tampi a chuak cang. June 2,2022 thawk in ralhrang nih Kawlram chung hmun kip ah sianginn an on cang hna. Minung tampi sianginn an kai cang hna. Sianginn kip ah ralhrang nih meithal he ngakchia cu an ven hna ti a si. Ralhrang uknak tang ah sianginn kai hlah uh tiah NUG nih an chim peng. Hriamtlai zong nih an chim peng. Sinain cheukhat fale cu sianginn an kai thotho.
Hriamtlai cheukhat nih ralhrang tang ah sianginn kai ngam hna hlah seh tiin sianginn ah bomb an puah tawn. Cucu ralhrang uknak tang ah sianginn kai ngam hna hlah seh ti kha a si ko. Cu pinah ralhrang pawl hi sainginn ah hmun an khuar deuh hna. Ngakchia sianginn kainak ah meithal he an um ve. Sianginn kha sakhan ah cheukhat ahcun an hman. Cu ruang ahcun sianginn kahnak le bomb puah nak a chuah tawnnak hi a si.
A tu ah NUG nih sianginn ah buainak chuah pi lo ding in a ti tikah cun ralhrang uknak tang ah sianginn kaimi him tein kai ko hna seh, sianginn ah ralhrang pawl meithal he a ummi hi him tein um ko hna seh ti he khin ai lo. Ralhrang uknak tang sianginn kaimi a humzual hna bak khi a si.
Ziah Mino Tampi Nih Nunnak An Pek, Lio Ah Nang Nafa Kha Sianginn Cu Kaiter Na Timh: Mai Thin Yu Mon. Mai Thin Yu Mon nih cabia tawite a tial mi hi, fale SAC ralhrang ah sianginn kaiter a tim mi pawl nih rak rel cio uh. A cabia a tawite nain thuk pi in rak ruat cio uh law nafa kha ralhrang fimnak cu maw na cawnter ko lai timi rak i ruat ve.
“Ziah minung a za za nih nunnak an pek an thaap lio ah nang na fa kha sianginn cu na ap hnik? Kum khat hnih a zawn na ruah ruang ah a chan chung uk nak tha lo tang than ding cu na sian ko maw? A lung a hun fim deuh tik ah nangmah tu sual an phawt te lai ding mi kha na tih lo maw?” tiah Mai Thin Yu Mon nih a langhter hi asi.
Mai Thin Yu Mon cu Chin Human Rights Organization (CHRO) ah a ttuan mi, ASEAN Indigenous Forum ah lutlai, Chin nu chung in UN level, International Level in biachim tu, hruaitu ah aa tel kho ve mi a si. A mah bantuk Nu hi Chin mi lak ahcun kan um rih lo ti tluk in upat le thangthat a tlak mi nu asi. Crd – CA.
Leave a Reply