Ralhrang hna nih Kalay peng khua an khanghhrawh ruangah Mipi Humvengtuhna nih Mine an puah hnawh hna i Ralhrang Motor pahnih le Ralhrang 8 naktam an thah hna!
Ralhrang hna nih Kalay peng Khua Mei an khanghhrawh caah Ralhrang hna le PDF-Kalay၊ VAKOK (CNDF)၊ RKDF၊ Phakhahphah phufawnh hna kar ah kahdohnak a chuak i Mipi humventuhna lei nih Mine an puah hnawh hna caah Ralhrang Motor pahnih an hrawh Ralhrang 8 nak tam an thah hna tiah theih a si. April 25 zinglei suimilam 10:00 hrawng ah Nat Chaung khua in Thlanglei ah Ralhrang pawl an rat lio ah an kahdohhna i chun suimilam 3:00 hrawng taing an i kap i Phakhahpha ralkap pakhat nunnak a liam i minung pahnih hliam an tuar riah PDF-Kalay nih cathanh an chuah.
Aung Chan Thar khua lei ah Ralhrang hna cu Motor pakhat le Cycle 15 in chun suimilam 1:00 hrawng ah an kal lio ah Panmon hlei kam ah Mipi humvengtuhna nih Mine an puah hnawh hna i Cycle dihlak Mine nih a puah hnawh hna caah a thimi an tam taktak lai, Chunhnu suimilam 3:00 hrawng ah Chaungkhuah khua le Aung Chan Thar khua kar ah Mine an puah hnawh than hna i Ralhrang Motor a liammi pakhat ai hrawk i Ralhrang tam taktak an thi kho tiah theih a si. Ralhrang hna nih Zanlei sang ah Nat Chaung khua le Chaungkhuah khua Innlo hna cu Mei in an khanghhrawh than hna tiah PDF-Kalay nih cathanh an chuah.Crd:Khit Thit Media
Shan ramkulh Ah SAC Ralkap Chuah Myanmar Beer A Phortu Pa PDF Nih An Tlaih, Shan ramkulh chaklei Lasio-Musel lam line car in SAC ralkap chuah Myanmar Beer a phortu cu nihin April 25 zaanlei Sml 5:38 tluk ah PDF nih an tlaih, tiah People Security And Defense Army Muse sin in theih a si. Myanmar Beer can bawm 20 le palang bawm 50, a dihlak bawm 70 cu mawṭaw khaltu he tlaih a si i, atu hnu in SAC nih chawlehnak ah an hman mi thil pawl phor ti lo ding in ralrin an pek, tiah theih a si.
Yangon-Muse, Mandalay-Muse, Lasio-Muse lam ah a kal mi mawṭaw khal pawl nih SAC nih chuah mi thil pawl phorh lo ding le a phor mi hmuh an si ahcun fak piin hmalak an si lai, tiah People Security And Defense Army Muse nih cathanh an chuah.
Australia Nih Raltuknak Caah Timhlamhnak Kan Ngeih A Herh., Russia le China ral tihphannak he pehtlaiin Australia hmunhimnak vuanci Peter Duton theihter ralring peknak a chim hnuah Russia-Ukraine kahdohnak ruangah kan mah lei zongin Raltuknak caah timhcia in um kan herh tiah a chim. Beijing le Moscow cozah ruangah kan Vawlei cung ah nawl ngeitu thar an chuah kho tiah Australia vuancichoh nih a chim dih hnuah a cung lei bantuk in Peter Duton nih a chim.
Beijing le Solomon tikulh ramhnih karlak ah lungtlinhmi ralvennak minthut ruangah kan kutkaa in China cu a hlat nak ah chiahnak ding le, kan hoikom pawl he i fonh dingah hnu lei ah kir a si lai lo i, kan mah lei nih a san zong ralhrawng khamnak kan chiah tiah Morrison nih a chim.
Nu pawl le hngakchia pawl a that tu pawl cu kan mah nih mithmuh kuttongh in kan ton cang bantuk in a tu zongah Nu pawl le hngakchia pawl a that hnga ding miniung pakhat a um rih tiah Peter Duton nih a chim. Bitak te le timhlamhnak kan ngeih a hau i, a tu cozah kutchungah ral tuk nak caah timhlamh nak a um rih lo, ral tuk nak caah timhlamh nak kan ngeih a herh tiah a chim chap.
Peter nih cun Australia China le Russia ral in kan himkhawh nak hnga ding caah timhcia tein timhlamhnak kan ngeih a herh, a tu kan kan cozah kutchungah cun ral tuknak caah zeibantuk timhlamhnak hmanh a um rih lo , Russia bantuk in nu le hngakchia a that e minung pakhat a um rih i, cu cu China uktu Xi Jinping hi a si tiah a ti.
Leave a Reply