A Hawile Pathum A Thah Hnu Ah An Sa A Ei Viar

Russian pa pakhat Eduard Seleznev kum 51 i upa mi nih cun a hawile pathum a thah hnu ah an sa a ei viar, Russian supreme court nih cun hremnak a pek i dam chung thongtla dingin hremnak a pek.

Seleznev le a hawile pathum cu zu an din tti hna i, a hawile hna cu an rit tuk cang hnu ah namte in a sawh hna i an thi, an sa hna cu namte in a can dih i a chum i zanriah ah a hman beh. mah pa hi sa a ram taktak mi a si, sa a ram tuk ruangah ‘Arkhlangelsk Cannibal ‘ tiah an kawh tawn.

Seleznev nih a thah mi pathum hna hi an min van langter lo a si, kum 59, 43 le 34 hrawng an si, an taksa ei awk a tha lo mi hna cu tiva ah a hlawh ti a chim.

Eduard Seleznev kum 51 i upa mi hi court nih a van langhter ningah cun saram uico siseh zawng siseh va phunphun a hmuh mi pohpoh cu a ei viar tiah a van langter.

A thil sual tuah mi Russian Supreme court nih tha tein a ruah hnu ah dam chungin thongtla dingin Seleznev cu hremnak a pek.