Southern Ukraine i Mykolaiv i a um mi nu pakhat Anastasia Skorychenko kum 30 i upa mi nih cun a fapa chuak ka mi cu cehrep nail scissors hmangin a nunnak a lak piak ti theih a si.
Anastasia Skorychenko nih a fapa hi balcony ah a neih hnu tlawmpal ah zangfah nak zeihmanh ngei lo in a thah colh, voi 1 lawng si loin voi 22 bak a sawh i a thi, a thah dih hnu cun a fapa ruak cu bag ah a chiah i hnawmhlawnhnak hmun ah a hlawnh diam.
Amah hi fa 2 a ngei cang mi a si, a fa pathumnak a pawi lio ti zong hi a ho hmanh theih ter a duh hna lo, a tu i a fapa chuak ka mi zong cu a duh lo pin ah a zohkhenh khawh a zum lo ruangah a thah nak a si tiah thil si ning vialte a chim viar.
Naute ruak an hmuh hnu ah Anastasia Skorychenko hi palik hna nih an tleih. Forensics hna nih cun naute hi ngandam tein a chuak i, a thi nak a ruak bik hi a nu nih a thah ruangah a si tiah an chim.
Naute hi a duh lo nak a ruang bik cu an chungkhar an harsat ruangah siin an zumh, thluak lei ah buainak zeihmanh a ngei lo tiah an chim.
Anastasia Skorychenko hi a fapa chuak ka mi a thah ruangah kum 2 chung thongtla dingin hremnak pek a si.
Leave a Reply