A Fapa A Thah Hnu Ah A Thih Nak A Ruang Cu Covid-19 A Si Tiah A Chim

Turkey ram i nu pakhat Rasaa Osman kum 27 mi nih cun fapa kum 7 i upa mi Azzam Al Abdullah cu an um nak inn ah a thah.

Mah thil hi Turkey ram, Konya khuapi, Pirhasan Street ram i a cang mi thil a si, pa hngakhchia hi Curfew phuan a si hnu ah inn lei ah a van lawi cu a nu thinghung in fak ngai in a velh.

Media hna nih an van langhter ningah cun Rosaa nih a fapa hi a velh fak ngai, a fapa cu zeihman thei lo in a um i, ihkhun ah a ih ter than i ti kik in a tawih than, a hnar le a ka in thisen tampi a chuak.

Al Abdullah nih cun hngakchia thi ruak a hmuh le cang ka in palik a chawnh colh hna, Rasaa le apaei cu palik hna nih an tleih ve colh. An fapa thih nak a ruang bia an hal lio ah cun, An fapa cu covid-19 ruangah a thi mi a si tiah palik hna cu an chim.

Palik hna nih thil si ning tha tein an hlathlai tikah cun hngakchia pate cu velh ruangah a thi mi a si ti an theih, Rasaa Osman cu a fapa a thah ruangah damchung in thongtla dingin hremnak pek a si.