A Fanu Thluak Lei Ah Buainak A Ngei Mi Cu A Zohkhenh Nak Ding Tangka A Ngei Lo Ruangah Kum 5 Chung

A fanu thluak lei ah buainak a ngei mi cu a zohkhenh nak ding tangka a ngei lo ruangah kum 5 chung bak muilak ah a chiah.

Philippines nu kum 29 i upa mi cu vanchiat ah kum 2014 ah khan Psychotic Depression a ngei ti theih a si. a zawtnak ruangah hin Negros Occidental Province sizung, Psychiatric Unit ah chiah a si.

A chungle hna le a hawile hna chim ningah cun sizung lei ah an zohkhenh hnu ah khan that lei cu a panh thluah mah tiah an chim i, kum 1 liam hnu ah doctor hna nih cun inn lei ah i zohkhenh cang ding in an lawi ter tiah an chim.

Vanchiat ah a fanu an zohkhen lio ah cun, pa cem cu damlonak nih a tlun hnawh ve i, an i zohkhenh nak ding ah tangka an ngei ti lo tangka lei ah harsatnak an tong.

A fanu cu doctor hna nih an zohkhenh ti lo hnu ah cun, a zawtnak cu a rak chuak than, a zawtnak cu a zual chinchin i a molh hnu ah cun inn pawng hrawng i a um mi hna caah cun mi hnahnawk a rak si cang caah a chungle hna nih cun amah chiahnak ding room an ser piak i, room chungah cun an chiah tawn i a lenglei in an hrenhkenh tawn.

Mah nu te hi zangfak ngai a si, room an ser piak mi ah hin kum 5 chung bak a um cang. mah nungak nute hi a hlan lio ah cun model si a tim ve tawn mi a si. a cungah mah bantuk vanchiatnak a tlung hi a poi taktak si.

A hawile hna nih a zohkhenh nak ding tangka thawh tti an tim lio a si tiah The Sun Online nih a van langhter.

Be the first to comment

Leave a Reply

Your email address will not be published.


*