Remdaih tonbiaruahnak a kaimi bu 10 chung ah bu 3 lawng hi an hruaitu Chairman an kai kho i, a dang bu 7 cu Vice-Chairman le Secretary lawng an kai, tiah theih a si. Tonbiaruah sawmnak ah NCA ah min thumi a kai hnga ding hi KNU/KNLA/PC, PNLO, ALP၊ RCSS၊ DKBA၊ NMSP, LDU le NCA ah min thu lomi UWSA, NDAA le SSPP hna an kai lai, tiah theih a si.
Kan hnu lei Tlangzar kahdohnak ah a nunnak a liam mi CDF Thantlang paslatha Salai Tha Hlei Sang thin ning cu a hawi pa nih hitihin a chim. Tha Hlei Sang hi Kum 18 hrawng lawng a si mi mino te a si . A sinain amah hi a chuak thiam a pumrua a tha i Khualhringtlaang Battalion ah khin Commondo ah an hman mi a si.
A thih ning cu kawl ralkap he cun an i kap cuah ko i caan tlawmpal a rauh ah CNA ralkap an hruitu pakhat cu SAC ralhrang nih an hliam i ka chanh ulaw tiah a hwi le cu a van auh hna i, CR traing a dih cang mi CDF an hawi pa kha nang na khulrang lai va tli colh tiah an fial i kan ngamh lo caah Salai Tha Hlei Sang nih cun keimah ka kal lai tiah a ti hna.
An hawi pa CNA ralbawi pa chanh ahcun a kal a tim i , ka meithal hi a chia tuk meithal tha mi ka pe ulaw ka kal lai tiah a hal hna i Meitha he cun a hawipa chanh ah a kal colh i cu ka hmun ahcun SAC ralhrang nih an rak kah nak hi a si tiah a hawipa nih a chim. Khualhringtlaang Battalion chungah cun an bochan mi le amah hi mifel miraltha a si. A rian tuan hawi le a mino hawi nih kan siang hrimhrim lo tiah a hawipa nih a chim chap. Ralruk phun le ralhrang pawl kah ding tiah cun a ngaih taktak i thloh hmanh thloh khawh a si bello tiah a chim chap.Note, A hawi raltuk hawi nih a chim mi a si.
Ukraine ralkap 1,730 nih a sungh an pek tiah Russia nih a thanh, Ukraine ram, Mariupol khua i a ummi Azovstal sehzung chung in Ukraine ralkap a zaa leng nih hriam chiah in a sungh an pek ṭhan caah tuzarh chung ah hriamchiah in sungh a pemi Ukraine ralkap 1,730 an si cang tiah Russia Minister of Defense nih May 19 ah a thanh. Sehzung chungah a tapmi Ukraine ralkap pawl nih hriam chiah in sungh an pek tiah Russia nih a thanh ko nain Ukraine Minister of Defense nih cun an ralkap pawl nih Azovstal sehzung kham ding rian an tlamtlinh i ralkap 260 leng cu himnak hmun an phan cang tiah a thanh.
Sehzung chungah Commander pawl telh in Ukraine ralkap 1,000 leng an tap rih tiah Russia lei a ṭhangmi Donetsk ram hruaitu nih May 18 ah a chim. Sehzung chungah minung zeizahdah an tan rih timi cu Russia le Ukraine nih fiang tein an thanh lo.
Hriam chiah in sungh a pemi pawl a zizutnak tuah ding zong a fiang lo. Kremlin nih cun ramdang phungning tein kan tuah ko hna lai tiah a chim.
Ukarine ralkap Mariupol khuapi caah fak piin nun peek in a do mo Ukraine ralkap hna cu Russia sinah hriamnam an chiah hnuah nung dam in an kir kho ti lai lo, ti mi dir hmun an phan tiah theih a si. Mariupol khuapi ah a um mi, a dongnak bkin a tang mi Ukraine ralkap pawl cu hraimnam an chiah ruangah Russia president Putin lei in a sunglawituk mi teinak langterhnak nawl a ngei tiah theih a si.
Russia ralkap hna nih an i hngakchanh mi he aa khat in Mariupol khuapi ah a um mi Steel setzung pi cu Russia ralkap hna nih motor in an phorh i, hmundang kaa dang ah an thial tiah theih a si. Ukarine ralkap hna nih zeibantuk harnak dah an ton lai timi cu fiang fai tein theih a si rih lo.
hrenhkhumh tlaih a tongmi Ukraine ralkap pawl cu Ukraine nih a tlaih mi hna Russia ralkap hna he thlen khawh an si tiah Ukaine nawl ngeitu hna nih an chim nak in theih a si. Bus pahnih in phorhmi Ukraine ralkap pawl cu Donetsk khuapi hmunhma pakhat ah a um mi, thonginn ah an kuat mi hna hmuh a si nak kong cu ram chung thawnghlat tu hna nih an chim.
Russia nawl ngeitu hna nih mah tlaih a tongmi Ukraine talkap pawl cu hal-hlethlainak tuah an si lai tiah Russia media nih thanhnak a tuah. Mariupol cu Russia nih tlangtling tein a uk khawh nak cu Februadry ni 27, Ukraine a kahdoh hnu ah Russia caah cun a sunglawi tuk mi teinak hmuh a si tiah theih a si.
Fak piin hliam a tuar mi Ukraien ralkap minung 53 hna telin minung 256 nak tlawm lo nih Russia sinah hraimnam an chiah nak kong cu Russia lei nih an chim i, Ukraien zong nih kan mah lei hliamtuar mi minung 53 tel in minung 254 hna nih Mariupol khuapi cu an chuah tak cang tiah theih ternak a tuah ve.
Leave a Reply