Hakha CDF ikah nak update!
=========
Halkha lei in a rak chuak mi khuachia ralkap hna cu kan Ralkap hna nih zing 10:00am in zaan lei 4:00pm tiang chun ni tlak bak te an i kap Khua chia ralkap 5 an thi tiah comfirm a si.
Nizan zong ah Khuachia ralkap pa 4 Hriamngan lehnetkyi a pumi kan ralkap nih chawilak an kah hna. Kan kuan tamlak kan hman. Bawipa Thawng in Ramtha phan paycheck athoh mi unau hna daitlanh hlah uhlaw. Lawmh um tuk hringhran Bawipa nih kilveng peng ko hna sehlaw!
Hakha lei arak lut ding he Hakha in ava dong ding he kham ahau I kan Ralkap hna an ba ngai te. ThangTlang CDF nih kuan tamlak te tunai akan chanh kannilawm tuk hrinhran. Mah ka tar mipin ah joint operation nih pa 7 an thah fawn hna. Bawipa nih kilveng in hlawhtlinnak chap chin hna seh.
Hakha CDF Bawipa nih um pi zungzal hna seh an mah hi an biapi tuk chin mi nih kan thin lung ah chiah bik ding bak an si ka ti ve tu tiangah an thawngpang thei anuam. Bawipa kan lei ah tang ko law. Ral tei nak cu nangmah ta si .Kan fale hi kil veng ko hna.
Kan biakmi a nung kan Pathian nih in um pi in in veng camcin ko hna seh! Teinak cu Bawipa ta asi bantuk in teinak zong in pek ko hna seh! An hriamngan cu an laak khawh le laak khawhlo kan i fianglo e. An hmaanthlaak theng a demand mi an um tawn fawn i, rak hmuhsak kho hna u law tah?
kan ralkap kong ka ruah ah cun ka nun nih a celh bak lo, Bawipa nih dir pi ko hna seh law. Bawipa a tha tuk na hman mi bia ah khuachia hi ka uar khun tuk ee. An ruak an vun irawt cuahmah liomi kan hmuh hna ahcun; lungdi a riam tuk, tha a tho chin an ka ti.
A tu tan kan Ralkap raldoh cu lung a hmui kho tuk. Tuzing Hakha in dawkthek lei an hawi bawm ding a kal mi hna cu Hkha CDF nih hniar lawn thar ah an rak kah kham ve hna i ralhrang 4 an thah than ve hna ti thawng kan theih cu. Bawipa kan i lawm tuk e. Bawipa nih kan miphun le a kan pekmi ram kan kilven piak ko seh!
Nizan ah Hakha CDF nih Hakha lei luh aatim mi khuachia fa le pa 10 nihin ah an thah hna.Kan ralkap pakhat aa hliam nain minor asi. Zapi nih nan theih bang Adongh nak ah cun khuapi theu ah luh annvun itimh ko caah thlacam nak he chawva he ttanpi kan hau ngai ko. Mah te hi atu an ei hnik mi chuncaw te si.
khuachia fa le an zapi athi mi 79 an sicang. Phundang I ruah awk um lo. Hmaisuang in Hakha lei ara mi 10 hrawng kan fimtawl hna timi ithawh si. CNA le CDF dang dang he ibawmh si cu zapi theih siko kha. Pengdang Hriamtlai nih an mah Peng Batalion minbunh lawng in an i thanh cio lo le ti bia, An tha chia sual lai. I lungrual cu kan thawn nak.
CDF-Hakha hriamtlai phu kanmah kah mite pa 10 lawng katar hi. Ralhrang lak ah kan fa le an him timi theih hi thinlung tha a dam. Pathian nih an kut le ke hmang in dir pi chin ko hna se. Kan ralkap hna anbaa tuk cang lai mu cat loin thla kancam peng ve.
Hakha Kan ralkap Bawipa nih himnak le teinak he umpi ko hna seh law. Damnak zong tuan ah hmuh hram ko seh a hliam mi zong. Tei nak hi mipi lei kan baipi tuk Bawipa nih um pi ko hna seh! Bawipa nih veng zungzal ko hna seh.An ei mi rawl Bawipa nih an cahnak ah sister hram hna seh. An rawl zoh ah lung atha hrim lo.
An dih lak CNA, CDF-Halkha, CDF-ThanTlang, CDF-Matupi, CNDF, CJDC an dih i bawm in an tuk doh ti ko hna kha, Hakha minbunh lawng rumro cun a.
Na chim mi cu nain tu Tal in Tamthlo in qn hun i kah nk ah cun CJDC training a kai lio mi le CNA lwg an si ko khi ta nain anmh min lwg an i chim lo CNDF le CDF dang pwl hna cu bawm tu dg ah an kal ve cah an telh peng hna i si ko kah nk ah an lut lo cu tu a chim mi cu CDF HK nih a dang ten an rak thah hna mi kong a chim ko cuta zei dah na zai len. kn doh mi ai khat ko zei ti an chim zong ah kn dih mi ai khat ko. Credit: Shiang Kung
Falam-Hakha karlak kahdohnak ah SAC ralkap 60 an thi cang! Chin ramkulh, Falam in Hakha lei ah a rak kaimi SAC ralkap le Chin mipi hriamtlai phufonh karlak ah July 8 thok in kahdohnak a fak i SAC ralkap 60 leng an thi cang tiah CNF biachimnak nawl ngeitu Salai Htet Ni nih Khonumthung Burmese ah a chim.
Thazang 200 hrawng a simi SAC ralkap pawl cu mawṭaw 27 in Hakha lei ah an kal i CNA, CDF le CNDF phufonh hna nih July 8 thok in an kah lengmang hna i July 11 tiang ah SAC ralkap 60 an thi cang i mipi hriamtlai lei in pakhat a nunnak a liam tiah theih a si.
“Anmah lei in hma a pumi cu fiang tein theih a si lo nain kahdohnak ni 5 chungah ralkap 63 hrawng an thih cu fehter khawh a si, kanmah lei in pakhat nih ram le miphun caah a nunnak a pek i 10 hrawng an i hliam. Pahnih/thum hrawng an hma a fak, kahdohnak hi a dih rih lo” tiah Salai Htet Ni nih a chim.
SAC ralkap le Chin mipi hriamtlai phu hna hi Falam-Hakha karlak Taal, Tlangzaar, Ramthlo hna ah kahdohnak voi 8 a chuak i Chin mipi hriamtlai hna nih bom le hriamngan in voi 4 an kah hna. “An ratnak lam ah kanmah lei thazang chap in kan bawmh hna.
Khuachung ahcun kan kap hna lai lo tiah kan i ruat ko nain an khangh cianak khuachung an luh cun karceh in kan kah hna. Bom le hriamngan zong in kan kah hna caah a thimi an tam” tiah Salai Htet Ni nih a chim. SAC ralkap pawl cu nizaan ah Ramthlo in Dokthek lei ah an len i Chin mipi hriamtlai nih kah ruangah hmai kal kho ti loin Ramthlo khua ah an kir ṭhan.
SAC ralkap pawl cu mawṭaw 27 in an raa ko nain mawṭaw 4 cungah innsaknak thilrii an phor i minung 40 hrawng nih mawṭaw hmai ah lam an hmuhsak hna. Falam-Hakha lamcung ah a ummi Taal le Tlangzaar khua mipi inn 35 hrawng an khangh tiah thawng theih a si.
Tlanglei Kalay kahdohnak ah CNDF hriamtlai 1 a nunnak a liam. Thlanglei Kalay, Hakhalay pawng, July 11 ah SAC ralkap le mipi hriamtlai phu pawl karlak ah kahdohnak a fak i cu kahdohnak ah CNDF hriamtlai 1 a nunnak a liam tiah theih a si.
Kahdohnak ruangah CNDF hriamtlai lawng si loin adang mipi hriamtlai 3 zong hliamhma an tuar i Ranger Kalay Defend Force in pakhat zong aa tel tiah Zalen nih a langhter. A nunnak a liammi CNDF hriamtlai hi kum 37 a si i fa 4 a ngei tiah theih a si. Ranger Kalay Defend Force hriamtlai pakhat a phei pahnih le Private hmunhma bomci nih a khen caah aa thlopbul lio a si tiah theih a si.
Matupi peng kahdohnak ah SAC ralkap 4 an thi. Chin ramkulh, Matupi peng, July 11 ah kahdohnak aa peh i SAC ralkap 4 an thi, 2 nak tlawm lo nih hma an tuar tiah CDF-Matupi nih a thanh. July 11 zinglei sml 10 ah Matupi peng Sawnghti khua le Lungtam khua karlak ah kahdohnak a chuak tiah theih a si. Kahdohnak chungah CDF hriamtlai pawl him tein an kir kho tiah a thanh.
Cun, Matupi peng ah July 6 in kahdohnak aa thok i ni 6 chungah kahdohnak voi 4 a chuak tiah CDF-Matupi nih a thanh.
July 6 ah kahdohnak voi 2 a chuak i SAC ralkap 5 an thi, hliamhma a tuarmi zong an um. July 7 kahdohnak ah SAralkap 2 an thi i 6 nak tlawm lo nih hma an tuar tiah theih a si. Cucaah zarkhat deng Matupi peng kahdohnak ah SAC ralkap 11 nak tlawm lo an thi i hliamhma a tuarmi zong an um.
SAC ralkap pakhat hriam he CDF-Mindat sin ah CDM a tuah. SAC ralkap pakhat cu bom telh in hriam tling he SAC chuahtak in CDF-Mindat sin ah CDM a tuah tiah theih a si.
Chin ramkulh kahdohnak ah aa telmi LIB 512 in ralkap Zin Lin Aung cu July 10 ah CDF-Mindat sinah aa fonh hi a si.
Ralkap Zin Lin Aung cu MA 1 zunnkhat, kuan bawm 3, kuan 123 le bom 2 he CDM a tuah tiah theih a si. Culawng si loin, Karen ram ah SAC ralkap 5 cu CDM an tuah i Ohkayithta sakhaan kahdohnak bawmh ding in thlahmi an si i KNLA sin ah an i fonh tiah theih a si. Credit: The Chinland Post
ICJ ICC Argentina timi Vawleipi huap Biaceihnak sangbik ah Tazacuai mi cu Hrithlai in thah bak asi ko. Nunnak lam aum lomi Vawlei Hellram asi. UNSC (United Nations Security Council) nih a hngalh pi nih Biaceihnak zung asi. Kanpi Suu nih MAH le Rallokap kha Chanchuah loin Khumzual hna hlah sehlaw, A voikhat nak Biaceihnak ahkhan, MAH le Rallokap Bawizik vialte cu; ICJ ah an sung cang lai. Tu hrawng hi cu: Hrithlai in thah an si ve cang lai. Uknak chut zong a ngamh ti lai lo caah Paucan Dohthlennak zong aum ti lai lo.
Kan fanau hna an thih ti lai lo, Liamcia; Kan nu le pa, Pi le Pu, Sahlawh rualchan le cingla vialte, Dawtmi le dawtu vialte hi an liam ve hnga lo, Chantlung in hi vawlei ah an nung ve hnga. Thantlang Khualipi telin, kan khuaram le kan Innlo an ciam ve lailo; tlikzam le ralzam ti zong aum lai lo, tihi mipi nih hngalh cikcek a herh mi asi. ICJ tan ahkhan Kanpi Suu nih Justice timi dinfel nak lei ah rak um ve sehlaw, MAH le Rallokap bawizik rual cu Kawmtang vok le Ar tlaih in tlai an si ve lai I, an sualman cu an ing diam cang hnga. Hi vawlei ah an um ti lai lo caah,
Hramhram in uknak chut ti zong aum khawh ve ti lai lo. Israel miphun Thattu (holocaust) Hitler Nazi phu (Adolf Min ngeih rual) Germany luban 22 an rak thah hna kha nan cing cio ko lai dah. Israel nih Genocide Case in Geneva law ning in ICJ ah taza cuai mi Ralhrang Germany Ralbawi le Luban 22 bak an thah ko hna. Hitler cu Judah Iscariot bang amah tein aa that. Adolf Ai Khaman cu Argentina ah Moses Spy nih an tlaih I Hrithlai in an thah.
EAOs he PEACE ka tuah duh ati. Dindaih nak lam zulh loin, PEACE ati cuahmah buin Tlangcungmi ram lawng ah Raldoh asi, Innlo meiduah piak asi, Asuallo mi tlaih, hrem, thah asi, Hmuhtawn mi nu paoh tlaihhrem, Kumtling lo nu le tar kum 60 leng zong an luat hlei lo. Kum 7 le kum 12,13 ngakchia nu te zong an I tel. Mipi hlawnthil vialte an fir dih caah Ralbawi hna anrum chin. CNF / KIO / KNU / KNDF / AA tbk he Peace tuah aduh ahcun: Chinland / Kachin Ram / Karen Ram / Karenni ram / Rakhine ram tbk ah ral an doh awk asi lo.
Peace kan tuah lai ati poah ah Raldoh nak fak deuh an tuah lehlam. Cucaah EAOs cheukhat nih an zumh ti hna lo. Rallokap PEACE ah kan I tel khawh lo an ti. KIO cu NLD le Kanpi Suu chan hmanh ah kan zumh hna lo an ti cang. Cucaah ASEAN palai, Prak Sakkhon le American Ramdang Vuanci Mr. Blinken nih an duh mi aa tel ding mi vialte I tel dih in PEACE tuah uh, cu hlan ah DASSK le MAH bia I ruah hna seh ti hi a hlawhtlin khawh men lai lo. DASSK he I ton cu asi khawh men.
Tlangcung mi nih Kum 80 deng hriamtlai in Dohthlen mi Federal, Kawlte duhning asi lo mi Federal cu a hlawhtlin ve lai lo, Kanpi Suu le MAH an I tawn zong ah. Cucaah EAOs phu cheu nih MAH PEACE an cohlan lo. Kanpi le Rallokap an i tawn lai I hlan lio uknak (Uitlak le Nga aa cawh mi) kha a si lai caah Tlangcungmi caah sullam a ngeih ti lo. Sandah piah lio ah Kawl GZ nih Kanpi Suu luat ding kha a biapi bik in an hal I an aupi. Hriam Dohthlennak ahcun: Anasin vialte cihmih ding; Rallokap cihmih ding; Federal Democracy Ramkomh dirh bak ding timi Darkhing le authawng in an thlen.
PDF an au pi bik mi kha Kanpi Suu luatnak sisehlaw, Kanpi Suu athlah diam cang lai. Nain CDF PDF nih an hal mi hi Kanpi Suu luatnak ding cu aatel ko nain papek mi asi tilo. Free of DASSK is not the priority for GZ Spring Revolution kan ti ko lai. EAO an um lo ahcun CDF PDF an tlau lai a ti nain an ṭhawng chinchin. CDF PDF bawmhtu vialte a tlaih hna I thong athlak hna, a thah hna nain, CDF PDF an thazang a zawr hlei lo. An thazang a ṭhawn chinchin.
Ramdang in meithal bawmhnak aphih, an phawrh mi zong tampi an tlai. India Modi le Thai Prayut nih an bawmh. Nain CDF PDF nih anmah tein hriamnam tampi an serchuak khawh ai. Bomb RPG MM60 Vanlawng kahnak, Launcher phunphun cu PDF nih an ser khawh ai, Meithal le kuan Cetzung zong tlamtlin tein an ngeih khawh cang caah MAH a lau tuk cang.PDF a ṭih tuk cang mi MAH asi cang.
Cucaah PDF / LDF / CDF cu surrender tuah ding in (လက်နက်ချ အလင်းဝင်ဖို့) a sawm hna. Thimhnak ka tuah lai, TEITU party sinah uknak ka chanh hrim hna lai. Democracy le Federal kha Innkil lung le Suttung ah hmang in rampi kan sersiam hna lai, PDF / CDF / LDF nan chunmang he aa rup bak mi lawng te Rallokap nih kan I timh mi asi. Ramchung ah rak lut ṭhan uhlaw, Upadi tang ah um dih uh, Surrender tuah dih uh tiah MAH nih an kan sawm lio pi asi.
Kawlram ah cun Khuapi le khuate he Rallokap nih Loudspeaker le Awpice bakin tlang an au. 2022 JUNE 12 khan PDF hna surrender tuah ding in (လက်နက်ချ အလင်းဝင်ဖို့) tlang au hram an thawk. Ralhrang ngeih mi TV in ni fatin le zan fatin an chimh ter zungzal hna. Poster le Vinyl zong in an tar rih. Sihmanhsehlaw, Peace sawm nak he aa ralchanh mi cu MAH le Rallokap nih an tuah zungzal.
Ngawl an i timh ti lo. EAOs hna PEACE an sawm lio bangin an tuah kel kha ngawl lo tein an tuah zungzal ko. PDF LDF an tlaihmi hna cu ahmun ah an thah dih hna. An nung in an chiah hrim hna lo. PDF LDF an tlaih mi cu pei an ngaithiam hna lai i anmah tu kha an Hawikom PDF LDF kha sawm ter ding an si lehlam cu. PEACE aduh tu MAH le Rallokap an si lo. Anmah uknak chansau ter an duh caah PEACE an ti sawh I asi. 2023 August thla thimhnak tuah khawh ding ah an kan soilem mi asi.
Federal pennak caah asi lo tiah, PDF / LDF / CDF/ nih anti i an cohlan duh ti lo.PDF / LDF /CDF he Remdaihnak tuah awk ah an sawm hna hnu ah a buin mi an thah rih ko caah an zumh khawh lonak hi asi. Shwebo Palai khua nu Kumtling lo nu an tlaihhrem hnu ah an thah. Wetlet PDF 9 cu an tlaih hna I Suimilam 24 bak ah an thah hna. Mungdaibin bantuk khan Tuksapur in a bu bu in an thah hna (2022 JUNE 29, GZ Special Task Force Wetlet Tehte khan mi). Wetlet a bupi in PDF thahnak ah aatel mi nu hna cu: Ma Papakhine (kum14); Ma Win Eih Kyaw – kum15; Ma Nai Nai Aung – kum24; Ma Thit Thit Hlaing kum 34. PDF kumtlinglo Pa ngakchia an thah chih mi hna cu:
Ko Phudaung (kum17): Ko Phone Kyaw (Kum17): Ko Thein Than Oo (kum21): Ko Aung Kyaw Moe (Kum27); Ko Pho Ngin (Kum27): Mandalay, Sinku PDF mino 6 cu 2022 June 16 ah an tlaih hna I cu mi bak ah an thah colh hna. An hnu lei ah ankut anlet hna I, an mit cu puanchia in an chinh hna. Fak pi in an hremh hna hnu ah, an thah hna. Cucu video an thlak I media ah Rallokap nih an thlah. Kachin ram Loice khua ngakchia nu kum 4 le thla 7 asimi cu Rallokap nih an tlaihhrem hnu an thah: (12 July 2022, 12 AM ah aruak in an hmuh, ni 5 atlau hnu ah): Karen ram, Tandaung khua ah, Rallokap cu bomb an puak hnawh hna caah,
an motor cung in an kalnak lamthluan kip cu: meithal an kah, khuachung ah miapi an kah caah, an inntual ah Lente aa celh lio ngakchia 3 le 39 pa pakhat cu fak ngai in hliam an tuar: Pale, Tuang Khua mi Kum 17 (Ma Moe ZI) le Kum 13 nu (U Tin Mg fanu) an tlaihhrem hna hnu ah an thah. Khuami 3 zong an thah chih hna. Pale CDM Siibawi te nih check hnu ah fekter mi asi. Makui, Siehphio Myone, Pai khua ah, Fa hnih ngei Daw Hnin Wai (Ko Nai Win Nupi) cu an tlaihhrem hnu ah, Kuak mei in an nawk chih I, fak pi in an hrem hnu ah an thah.
(Ref; Khit Thit Media). AAPP cazin ahcun: Sualnak ngei lo mipi an thah mi (2074), an tlaih mi (14517) an si cang. Paucan Dohthlennak ah Raldoh a fak bik nak Chinland, Karenni, Sakai le Makui ah khua tampi mei an duah cang, ngakchia le bawhte telin mipi tampi an tlaih hna, an hrem hna, an that hna. PEACE aduh tu Rallokap ziaza asi hrim lo. Hi hmunhma pali ah Rallokap nih Geneva law (Gevena Convention) timi Crimes Against Humanity; War Crime Against; timi vialte an buar dih; Tlangcung mi ram ahcun kum 80 an buar cang.
AA ral lio ah CHINRAM Paletwa ah Landmine (Vawlei ah phum ta mi bomb) puak hnawh ruang ah Chinmi 63 nunnak a liam. 77 hma an pu. Tlangcungmi hmun ah aum mi Landmine aa tel rih lo. Tcnk: Ttl khua kir uhsih law, Landmine an chuah hmasat lo ahcun, Raldoh lio nak in landmine nih mi athah deuh te lai. Cucaah Khua Nupa le SAC nih Ttl kir zawk uh ti cu rak thi dih uh tinak asi.
Upadi ning tein Rallokap nih an zulh lo. Raldoh nak a nung in tlaihmi siseh, hmundang ah an tlaih mi siseh, thah nak nawl aum lo Geneva law in. Rallokap nih ahmun ah an thah colh lengmang. (အာရှလူ့အခွင့်အရေးကော်မရှင်, AHRC, ရှေ့နေဦးမင်းလွင်ဦး) Vawleipi nawl vialte an buar dih mi asi tiah U Min Lwin Oo nih a ti. Genocide, Crimes Against humanity, War Crime, tbk vialte ansi dih. ICC ah tazacuai khawh ahcun MAH le Rallokap Bawizik rual vialte cu luatnak lam a um lo a ti. NUG Luhmuzi Vuanci U Aung Myo Min nih, Tuksapur Nuhrin covo buarnak asi. Tlaihmi cu kutpar in tawngh a ngah lo. Mipi nih Rallokap cu let nak nawl kan ngei tilo. An duh paoh in an kan tlai, an kan hrem, an kan that ko. Minung ziaza le lungthin a ken lo mi Ralhrang hrim hrim an si. ICC ah tazacuai awk ah kan I zuam cuah mah tiah a ti ve.
MAH le Rallokap nih ICC tazacuai awk cu a hni a chuak men. Zei an rel lo. An hrik a thak lo. ICC an NUG le kannih vialte nih tazacuai awk ah kan I zuam deuh deuh, fak deuh in an kan hrem, an kan tlaih, an kan thah, innlo le khua mei an duah ti asi. Case 400000 leng kan hmuh, MAH nih case pakhat cu case ting 4 nakin Ahmual fak deuh in an kan Ṭhuat ko. Tcn: TTL kinghnak: Aruang cu Kawlram nih ICC ah member alut lo I, sen athuh lo caah asi. Mipi cozah le DASSK chan ah member lut an philh, Rome Status kha senthuhnak an ngeih ti lo. Tlangcungmi le Federal Hnuchit in Rallokap he aa kawp mi Kanpi ruangah ICC ah tazacuai khawh nak lam hi atlawm ngai ngai tiah MAH nih a hngalh tuk palia. Member lomi tazacuai mi an um rih lo ICC ah.
ICJ biachahnak cu July 22 ah an thanh te lai. Ralhrang Rallokap nih Gambia bia an elh mi kha an thanh lai. MAH nih ka tei hna lai tiah aa lunghmui ngai. Gambia nih Genocide Intent in tazacuai asi. Kanpi nih Genocide cu asi khawh men, timh ciammam tein tuah mi asilo tiah a elh cang hna I a tei hna. Zeitintiah, Timhlamnak ti cu lungput lei asi caah, tehte piah khawh asi lo ti kha Kanpi Suu nih ahngalh cikcek. Kanpi Suu nih ICJ cu Salen Kuat in a ṭhuat hna. February 2022 ah Rallokap nih ICJ ah bia an elh mi hna cu: Gambia nih IOC min in Tazacuainak nawl a ngeih lo tihi asi. Genocide asi le silo kha asi ti lo.
Silhnalh an thiam tuk. Gambia nih Tazacuai awk ah OIC timi ram 50 leng bu min in ICJ ah cawl nak nawl a um lo. Gambia nih OIC sin in phaisa a lak mi cu a cohlan. Gambia hlutdaw fek ternak in lak mi phaisa asi. Hi ko nih hin, Tutan ICJ Biaceihnak cu Keimah nih ka tei lai tiah MAH aa nuam ngai. Aruang cu Kanpi Suu ruahnak pek ning tein kan chimhrel mi asi ti hi asi. Kanpi Suu nih khumzual hlah sehlaw, ka ti lengmang mi hi, hngalh ve cang rawh uh. Kanpi Suu hi a palh ka ti lo, Tlangcungmi kaltak in Rallokap he Reconciliation a tuah I, ka pa I ralkapbu a ti caah Anaa an lak I tu dirhmun kan phan, na lungfim rawh seh Salai.
MAH a lungpuam ter rih micu: Tutan Biaceihnak ka sung zong ah a poi lo a ti. ICJ in UNSC ah kal lai, UNCS nih ICC nawl a pek lai, Kawlram cu ICC member asilo caah UNSC nih nawl pek lo le Incharge pek lo ah, Kawlram kha Biaceih a ngah lo. UNSC ah: Tuluk le Russia veto kha aa bochan. ICC tuanbia kan zoh tikah, an dirh kaa in case 5 bia an ceih cang. Ahohmanh an thah mi aum lo, an luat ṭhan dih. Cucaah MAH nih ICC le ICJ cu a nihsawh I, a duh poah in mipi an kan hrem I an kan that nak hi asi, Na hngalh ve cang maw, Ko Ko Salai le a Kawidua rual hna. Phete zong…
Leave a Reply