Naite ka ca post mi kongah a buaimi le Party in a kal ee zei ee tiah a ka timi nan tam ngai. MAH nih 2020 General Election result kan cohlan lai i DASSK kan thlah lai ti sehlaw PDF kan timi hna Kawl pawl khi an hriam an chiah dih lai khih. Kannih tah Federal Democracy bak a khel mi kan si i DASSK thlah le NLD hmunhma pek than ruang ahcun,.
Nihin kan dirhmun hi kan kal tak lai maw? Chin mi chungin 2020 ab MP a tlingmi zei party paoh an si ah anmah bawi tuan nak lawngah ee awm an tlai ve sual lai maw? Kawl tel loin cun kan tei lai lo kan ti hoi sual lai maw? Kei cu kan tei lo zong le ramtang ah ka luang zong ciam seh ka dirhmun ka kal tak lai lo. Salai Ngunsan Aung
Ralhrang nih an tlaihmi Mandlalay i Falam Baptist Church pastor Rev. Thian Lian Sang cu a rannak in thlah ding, Thantlang ah an kahmi Pastor Cung Biak Hum kongah tuangvo lak ding le a kaangmi inn hna cu a thar sakpiak than dingin Baptist World Allience Sept 20 ah halnak cathanh a chuah.
Baptist World Alliance (BWA) vawleicung ram 126 leng in Baptist Khrihfabu nuai 49 an i telnak bu nganpi a si. Rev. Thian Lian Sang kongah a chungkhat pakhat nih “Atu tiang ralhrang lei nih zeihmanh an kan chim lo. Khoika dah an chiah i zeibantuk sualpuhnak dah an pek ti kan thei lo.
Pastor pa caah kan lingerie a thei ko. Covid in a damnak a sau rih lo. A cuap a tha lomi a si tikah caan hmaan tein sii a dingmi a si. A din tawnmi sii le hnipuan zong kan pekchan kho lo, a luat zau khawhnak hnga thlacam lawng kan ti khawhmi a si” tiah a chim. Rev. Thian Lian Sang cu Sept 16 ah, Mandalay i a umnak inn ah misawhsawh thuam aa hrukmi ralhrang 20 nih an kalhnawh i an tlaihmi a si.
Amah an tlaih lioah phone 5 le tangka sing 40 zong an lakchih. Pastor Cung Biak Hum cu Thantlang Centenary Baptist Church ah pastor pakhat a si. Sept 18 i Thantlang innkangmi hmih dingin a kal lioah ralhrang nih an kah i a nunnak a liammi a si. POST VIEWS: 146 Previo
Leave a Reply