A mak ngai ngai , India ram ah hin , Punjab miphun hna hi, an tihzahbik mi hna an si. Hi Punjab ramah hin khrihfa hi an tawm taktak ko. A umlo bantuk khi an rak si. Khrihfa hna zong hi an rak huattuk hna. An rak hrem in an rak thah ve tawn hna.
2020-2021 hi kum 2 chungah Punjab khrihfa hna hi 10% bak an karh cang. Pajab ram ah khrihfa an tam chin lengmang cang. Punjab miphun hi miphun lian an si tik ah, india ram miphhun dang hna nih an tihzah hna ngai ngai ko. Hi Punjab mipi an dihlak in khrihfa ah an lut ah cun , india ram cu a thleng hrim hrim lai.
Nikhat ah minung thawng tampi nih an biaknak thalo le an zumhnak thalo vialte kaltak in khrihfa ah an lut tik ah, india ram mipi hna cu an khuaruah a har ko cang. Hi tining te asi ah cun, can rauhlo te ah Punjab ram hi khrihfa ram ah a chuah te lai. Kan chim cang bantuk in Punjab ram hi khrihfa ram asi sual ah cun, india ram cu a thleng hrimhrim lai.
Punjab mipi hna an dihlak in khrihfa ah an lutnak hna hnga thlacam in bawm cio hna usih. A tu lio hi, Pathian riantuantu hna nih batak te in Panjab ramah rian tuan an awk lio asi. Nang le kei zong um sasawh lo in , thlacam in bawm hrimhrim hna usih. Kan thlacam nak hi Pathian nih a kan leh hrimhrim lai I, a minung hna hmangin , Punjab ram cu a thleng hrim ko lai.
Leave a Reply