Ramleng nih tangka an thawhmi zoh tikah Pathian chaw tampi ai tel, cucu zudin nak le rit buainak ah hmanlo i zuam cio usih
A bik in Chinram thliaphu hna nih Rit zu kan tei lo cun kan ralhrang kan tei kho hna lai lo. Zurit bu in zeithil tuah hmanh a ngah lo,raltuk le bang cu ttihnung tuk,mah le mah hri va awh bantuk a si ti khawh a si. Chinram hriamtlai phu a dir khawhnak 75% cu, ramleng Chinmi hna thawngin si tikha el len awk tha lo si.
Ramleng nih tangka an thawhmi zoh tikah Pathian chaw tampi ai tel, cucu zudin nak le rit buainak ah hmanlo i zuam cio usih. Lai lei nupa hna nih an chim bikmi cu kan ralkap hna hi zu an duhtuk tiah an chim ngai. A dinglo zong an um ve ko nain atam u an ding an ri an ti. Zu le sa, rithai bu in ral kan tu lai tinak cun tuk lo atha deuh, a ruang cu nanmah raltu hna caah ah himnak lam abi tuk cu teh.
Halkha le Falam khua khi tei le lak zokzok hau, khi khua hnih a zalen tikah duh tawk in zu an cawk an phurh. Zudin ah tlai a um lo, kan ral kan tei hnuah duhchung in din ei te ding si ko. Cucaah raldoh chung lio ah cun zu din le rit hi i sum le hrial bak a hau ko.. Credit: Chinland 7 News
Demoso Ah Ralzaam Citmi Motor Accident An Tong, Minung 3 Nunnak A Liam. Kayin ramkulh, Demoso ah ralzaam panga nih an zulh mi motor pakhat cu lam thlanglei khor ah a tla i, motor cung cuang mi minung 5 chung in 3 an nunnak a liam, 2 cu faak ngai in an i khawng, tiah theih a si.
Accident a tong mi motor cu ft 400 tluk a thuhnak khor ah a tla, tiah theih a si. “Motor chung ah a cuang mi minung 5 chung in 2 cu a hmun ah an nunnak a liam colh. Faak ngai in aa khawng mi minung 3 cu mizaw phortu motor nih sii-inn ah an kalpi hna i, sii-inn an phanh ah pakhat cu a nunnak a liam ṭhan. Midang 2 cu thlopbul cuahmah lio an si,” tiah tualchung thawnglatu Roselin Ei nih a chim. Nunnak a liam mi hna cu Demoso pawng hrawng ah ralzaam dirhmun in a um mi an si, tiah theih a si.
Nattalin Peng Ah PDF le SAC Ralkap Kahdohnak a Chuak I SAC Ralkap 5 An Thi: Bago ramṭhen, Tayawady pengkomh Nattalin peng Gwaygyi(ဂွေ့ကြီး) khua pawng ah SAC ralkap le Nattalin PDF an i kap i, cu kahdohnak ah cun SAC ralkap 5 an thi, tiah theih a si. Nihin May 12 zinglei suimilam 8:00 hrawng ah Gwaygyi (ဂွေ့ကြီး) khua le Kyaukpyauk (ကျောက်ပြုတ်) khua kar ah a lut mi SAC ralkap minung thazaang 20 hrawng cu Tayawady pengkomh PDF battalion 3801 le Nattalin PDF nih bomb an puahhnawh hna i, kaphnih kahdohnak nih a pehzulh, tiah Nattalin peng PDF in chimphuannak nawlngeitu nih a chim.
SAC ralkap lei cu 5 an thih hnu in, hnu an tolh i, minung 20 lak ah minung 9 hrawng lawng an kir, tiah a chim chap. PDF lei hliam tuar um lo in hnu an tolh nain, kahdohnak ruangah Gwaygyi (ဂွေ့ကြီး) khua mipi hna cu ralzaam dirhmun an phan i, umnak le eiding kongkau ah harnak an tong, tiah theih a si. Credit: The Chin Post
Nai Philippine preseident thimnak ah Marcos Jr nih teinak a hmuh caah Asian i, Democracy ukank cungah thinphannak a chuak ter colh i, Pacific hmuhma ah a thawng bik mi China a thawnnak thing dingin aa zuan mi American a thlauk a buaiter kho tiah AP thawngzamh nih a tial. Caan saupi nawl ngeitu a si mi, a nunnak a liam cia mi, Ferdinand Marcos i afa a si mi Marcos Jr nih May thla ni 9 ah tuah mi president thimnak ah Rodrigo Duterte cu phung ning loin langhter mi vote lehhnih deng in a tei lai tiah a pawngkam um mi hna nih an chim.
Phung ning lo result a chuah hnu ah Sarah Duterte cu vice predident in a si lai tiah theih a si. A mah cu A rauh hlan ah president hmunin a chuak hnga ding Rodrigo Duterte i a fanu a si tiah theih a si. A tu president Rodrigo Duterte cu Occasionally American he a raalkap mi an si i, China, Russia le neihniam in umin rampi a hruaitu a si.
Washington nih tlerhkhawhnak a tong lengmang mi a si i, humhimnak minthut cia mi zong hnawn ding in aa zuam nak tel in China hrambunh building konghe pehtlai in chawlehtinak bikamnak a hnawn tu zong a si tiah theih a si. Chinna sinah a chiah mi biakam zong tuanvo a laa kho lo mi a si tiah theih a si.
A tu an president a thar hnga ding Marcos Jr hi, Asian ram democracy uknak aa hruai mi ram hna caah tih nung tak tak mi a si kho i, Asian democracy ram hna caah thinpang taktak a si tiah an ti pinah American nih China a thil tuah phihkhamnak kong zongah American a thluak a buaiter lai tiah theih a si.
Leave a Reply