Hebrew Lahnin Nih A Chim Mi ” Meithal Cawknak Ah Phaisa Thomi Vialte Hell Ah Nan Kal Dih Lai” A Ti Mi Hi Bawi Jesuh Nih A Mah Pumpak In A Chim He Aa Karh Bak!!
Meithal Cawknak Ah Phaisa Thomi Vialte Hell Ah Nan Kal Dih Lai: Meithal cawknak ah phaisa a thomi vialte hell ah nan kal dih lai. Nan sualnak i ngaihchiah uh tiah “Hebrew Lahnin” nih a chim. Chin miphun chung in a hlan lio ah Min Aung Hlaing uknak a rak hua ngai tu le Kawl ralkap uknak a rak duh lo taktak mi Hebrew Lahnin nih meithal cawknak kong a hun chim.
Hebrew Lahnin nihcun Khrihfabu nih meithal cawknak ah tlau nan au. Kan ram le kan miphun a buai cu zapi theih cio a si ko. Pathian nih zeidah tuah hna seh ti a kan duh timi tu hi kan i fian deuh awk a si. Pastor le Khrihfa upa hna nih pulpit cung ah meithal cawk ding kong nan chim. Khrihfabu nih meithal cawknak caah phaisa nan thawh. Meithal cawknak ding caah phaisa nan kholh.
Kan Pastor te le kan Khrihfa upa hna nih Bible Pathian kha ningcang loin nan mer. Nanmah duhnak vialte lawng kha nan char i an lak. Cu tikah mipi kha mi thahnak meithal cawk nan forh hna. Mipi zong nih an i zumh ve caah meithal cawknak ding caah phaisa tampi nan thawh. Mi thahnak ding caah phaisa tampi nan thawh hna. Nan sualnak i ngaihchih zokzok uh. Thluachuah nan hmu lai lo. Nan thluachuah a pit lai.
Nihin ah zei ruang ah dah Chin Khrihfabu kan dam khawh lo ti ahcun Pathian bia ning cang loin kan kalpi caah a si. Chin miphun Khrihfa hi kan i chuih tuk cang. Kawl ralkap cu an sual tuk zapi theih a si ko. Cu bantuk in mah tluk a sualmi vawlei ahhin a fapa Jesuh a van thlah. A tu nan le kei ruah ning cun Pathian nihhin a fapa thlah loin mah tluk a sualmi minung hi a kan thah dih hnga cu ta. Hi tluk a sualmi that loin a fapa a rak tlah i nunnak a kan pek hi.
Pathian nihcun mi vialte khamhnak an hmuhnak hnga kha a kan fialmi a si. Cu ruang ah mi vialte nih khamhnak an hmuhnak hnga hi kan rian a si deuh. Khrihfa upa le Pastor pipi hna nih meithal cawknak mi thahnak caah thlang nan au mi hi cu a dik bak lomi thil a si tiah Hebrew Lahnin nihcun a chim. (Laiholh Thawngzamh) Credit; Mai Tial Ciang
Relchap>>>SAC Ralkap Nih An Tlaih Mi Dark Shadaw Phu An Dih Lak In An Thah Hna, SAC nih an tlaih mi Dark Shadaw minung 14 ning tein a nunnak a liam tiah MSI Youth Defense Force nih an thanh. Tlaih a tong mi Dark Shawdaw phu hna hi mino an si i April 27 ah KyihMinTine(ကြည့်မြင်တိုင်) khatlei ral, Alatchaung(အလပ်ချောင်း) ah SAC ralkap nih an tlaih hna i an tlaih hna lio ah pakhat cu a hmun ah an thah colh i a dang a tang mi cu sakhan ah an thah hna.
An ruak zong kan ka kho lo tiah Dark Shadaw phu he aa neihniam mi pakhat nih a chim mi kong cu MSI Youth Fefense Force nih April 29 ah zaan ah an thanh. Dark Shadaw phu nih Nan Hteih Aung (နန်းထိုက်အောင်) operation cheu bang a si mi pakhat ah April 8 ah khan Yangon mayor booth bomb an rak puah.
Relchap, Ni 5 Chung India Rillipi Ah A Tla Mi Myanmar Mi Pakhat Cu China Tilawng Company Nih A Chanh Chuah , Ni 5 chung India rillipi ah a tla mi Myanmar mi pakhat cu China chawhlehnak company pakhat a si mi SITC Logistics Myanmar Co., Ltd i, “Pacific Grace” nih a chanh chuah tiah thawng theih a si. Mah India rili pi ah a tla mi Myanmar mi cu Ko Suu Win Zaw a si i, April ni 21 zaan lei sangah Yangon in Malaysia lei ah a kal mi SITC Logistics Myanmar “2211N” nih a chanh chuah tiah theih a si.
” Ka nunnak cu SITC Myanmar nih a chanhchuah caah kaa lom tuk, Ka van a tthat tuk caah thihnak in nun nak lei ah ka rak kir kho i, ka chungkhar hna hen tonthan nak kan ngei than” tiah a chim. Ko Suu win Zaw hi Tanintayi ramthen, ah aum mi ngai tlaitu pakhat a si tiah theih a si.
Nga tlaih in a kal lio ah tilawng chungin ruah lo piin ti chung ah a tla tiah theih a si i, Rillipi chungah cun ni nga chung a um tiah theih a si. A tu cu a chungkhar sinah a phan tthan cang tiah theih a si. SITC hi a tu hi a voikhat nak mi a bomh chanh nak a si lo i, 2020 lio zong ah tilawng chungcuang Myanmar mi 10 a chanhchuah bal cang hna tiah theih a si.
Leave a Reply