Yangon Golf Certual e Mingalardon vanlawng sakhaan hriamngan in kah an tong ; Ralhrang nih an tawl relnak sipin nih a ngeihmi Yangon khua Golfe certual cu April 9 zinglei 6:00 am ah luan hrawngah hriamngan in kah a tong i minung pakhat a hliam , bom in kah a tong tiah thawngtheih a si.
“Golf certual NO: 11 ah bom a tla. Golf certual ah rian a tuanmi pakhat a khen. A tu cun , ralkap le palik pawl an phan . Certual a chung le leng le zohfelnak an ngei . thil a can hi sml6:00 am luan 7:00 a tlin lai hrawng ah a si. Golf certual hi an khar lo” tiah Golf Certual in rianngeitu pakhat nih Khit Thit Media ah a chim.
Yangon Golf certual hi ralkap Golf certual he aa pehmi a si i pension a la cangmi ralkap bawi , zungbawi pawl le ralkap he aa pehtlaimi sipuaizi minung pawl an rak tu tawn , bia an nih ruah nak hmunhma pakhat a si tiah Yangon khuami hna nih an chim.
Cun, Mingalardon vanlawng sakhaan ii minung an um nak a khan pawl hriamngan in kah a tong i ralkap nih a ngeihmi Khoh -suai sehzung pawng a puak tiah khua mi pakhat nih Khit Thit media nih a langter.
Hriamngan a puah thawng cu Hmawbi le North Okkalapa lei in kan theih khawh tiah Hmawbi khuami pakhat nih Khit Thit sin ah a chim.“Zing sml 7:15am ah thawngpang thang taktak in voi 4 a puak”.North Okkalapa khuami nih “Kan lu ah ṭek nih an kan tlak cang rua tiah kan ruah. Bom puah thawng ka theihmi lak ah a thang bik a si. Zinglei sml 7:00am hrawng ah a puak” tiah Khit Thit ah a chim.
NUG Kong; “Defense Hruaitu , nifintin kahdohnak kong thawng thanh nak ah 2022 , April 7 zanlei sang ah a langhter mi thawng cu ca tial nak a pelh caah, ” Chin Ram Paletwa” tiah tial lo in “Rakhine ram Paletwa” tiah a pelh in a tiah sual. Defense Hruaitu lei nih mah kan tial sual mi cu kan theih bak in kan zoh than ii mah kahdohnak cazin cu kan rem than cawlh .
Mah kan tial sual mi ah a sin pi lo nak a um ahcun zangfak tein kan ngaithiam ko uh. Mah kan pelh nak a ka chimh tu na dih lak cungah tampi kan nih lom” tiah NUG hruaitu lei nih ngaithiam nak ca an chuah than nak hi a si.
Chin State Paletwa pengkulh cu Rakhine State Paletwa pengkulh tiah NUG cozah nih an cohlan ; A luang cia mi thla ah NUG cozah le AA hruaitu hna cu ral kongah i fawh ding in Online in ton biaruah nak an ngeih ii , AA hruaitu pawl nih Revolution an dih tik ah Rakhine State cu freedom pek ding le Paletwa pengkulh cu Rakhine State ah chiah than ding in an har ko hna nain NUG nih Rakhine State cu freedom pek ding in hnathlaknak a pek hna lo nain Rakhine State cu a dang State nak in covo tam deuh pek in Rakhine ralkap nawlngeihnak pek , mahte khuakhanlairelnak nawl le a hman mi Federal pek in Chin State Paletwa pengkulh cu Rakhine State ah theh than ding in hnathlaknak an ngeih tiah bia vai vuan in an chimh ko nain nihin NUG Defense hruaitu nih thawng an zam nak ah Chin State Paletwa pengkulh cu Rakhine State Paletwa tiah a fiang tein an langter cu kan hmuh.
NLD/NUG kawl party caah ral a tu mi Chin mino hna an fiang cang ko uklaw. NLD/NUG kawl party ah Chin miphun si mi Dr. Sa Sa le Dr. Lian Hmung Sakhong tel in Tlangcung mi kan tel ve ko nain tlangcung mi a tam deuh cu Deputy Minister lawng an si ii kawl party nawlngehnak tang lawng ah rian an tuan khoh ii kawl hruaitu hna nih an mah duh ning in lam an hruai hna .
mah ruangah NLD/NUG an bawm chan hna ruangah Chin State Democrecy hmuh ding in a zuam cuah mah mi Chin mino le Chin Politicians hna tha tein ruah a herh cang, Kawl zial na theih rik lo ahcun kawl sal ah voihnih kan um rik ko lai hi. Chin P Ta din hman nih an tial mi a si.
Ukrain ram a doh mi Russian ralkap cu a hman lo in kahdohnak a tuah caah the UN Human Rights Council nih Russian ram pi cu a zi zu ding in The UN General Assembly nih nihin April 7 ah voted(Me) pek nak an tuah.Mah voted pek nak ah Ram 47 a tel mi Human Rights Council nih Russian rampi cu a zizu ding in The Unites States nih a hruai hna ii Ram 93 ram nih duh nak voted an pek ii , ram 24 ram nih duhlonak voted an pek ve ii , Ram 58 ram cu voted pek lo in an um.Voted a pe lo mi ram cu duh le duh lo nak ah rel an si hna lo .
Russian ram lei in cun mipi a thah mi hna kha a pheh ii The General Assembly ah a zizu ding in voted a pe mi ram le a pe lo mi ram hna kha hawikom ban tuk an si lo a ti ii ram khat le ram khat karlak ah pektlailnak a um ti lai lo tiah Russian nih a hramh hna.
Thawngdang; Wintlet ah ralkap thazang 100 hlei an um nak Tatma 33 ralkap nih Zulnan khua ah Pu tar pakhat tel in mipi 5 an thah hna ii mei an khangh hna ii inn 500 leng an ciam dih.
Sagaing , Wintlet pengkulh Zulnan khua ah ralkap thanzang 100 hlei an um nak Tatma 33 ralkap nih an kal hnawh hna ii pu tar pakhat tel in mipi 5 cu an thanh hna ii mei an khangh hna , inn 500 hrawng mei an khangh ii inn cu a ciam dih tiah khua mi pakhat nih Yangon Khit Thit Media si ah a chim.
April 7 chunlei sml 2:30 pm i aa thawh ii Tatma 33 ralkap hriamnam ngan le hriamnam hme in an kah ii chunlei sml 3 ah aa thawh ii khuapi cu mei an khangh , inn 600 hrawng a um mi inn cu , inn 500 hrawng cu an khangh dih ii pu tar pakhat tel in nu 3 le pa 2 hna cu an nung bu in an khangh chih hna ii kan satil pawl zong tam pi an tel tiah khuami nih an chimh.
Thawngdang; Kalay Khua chungah kahdahnak a chuak, mipi pakhat a thi ; Kalaymyo Kyotunhpin sang , Bogyoke lam pawngah Chanmaeaungsi sang in tricycle a mawngmi U Nyan Htun cu meithal hma in a rak thih kha April 7 zing lei ah hmuh a si.
Tuzing sml 7:00am hrawngah Kalay UNiversity leiah kahdohnak a chuak i khua chungah a rak tummi ralhrang ralkap mawtaw kha mipi hriamtlai phu nih bomb in an puah hnawh ii meithal thawng a thang tiah khua mi hna nih zalen ah an chim.
Leave a Reply