Russia Nih Raltuk Cawnnak Tuah Thinphan A Si Cang
Japan He An I Cuhmi ”Kuril” Tikulh Ah Russia Nih Raltuk Cawnnak Tuah. Japan he an i cuhmi ”Kuril” tikulh ah ralkap 3000 tluk raltuknak training kan tuah tiah Russia’s Eastern Military nih a thanh.Hi Kuril tikulh hi Russia le Japan nih an rak i cuhmi tikulh a si i raltuk trainning an tuahnak hi Russia humhimnak hmunhma chung ah a si i hi tikulh cung ahhin Russia nih ralkap lei he ai pehtlaimi building ngan pipi zong a sak cang hna.
Russia ralkap pawl cu Kuril tukulh cung ahcun Miakpi le Drone pawl hmang in tikulh cung ah ral an phanh lonak hnga kilvennak an cawng tiah March 25 ah Rissia’s Eastern Military nih a langhter. Russia nih Japan he Kuril tikulh an i cuhmi kong ah an i ceihkhannak an donghternak kong le Vawleicung ralpi pahnihnak (World War 2) daihnak cahren cu kan dihter cang tiah kan hnu cawn nikhat ni ahkhan a thanh i a tu hi Japan he an i cuhmi tikulh cung ah raltuk cawnnak a tuah hi asi. A sinain Japan he ral an tho sual hnga ma tihi phan awk a um ngai.
Rel chap – Kum 2 timi Zuamcawhnak (Kawl zumh ning) Ne Win Lucky No. 9 a si i Than Shwe Lucky Number cu 11. Kawl ralkap nih a tlang piin a tu in kum 2 ah thimnak ka tuah lai a ti. Thimnak tuah khawhnak ding caah Electoral system thimnak phung zong remh a timtuah cuahmah. NUG zong nih Bond a zuar i kumhnih ca long in a zuar. Kumhnih ahcun atu lio dohnak hi kan tei lai an ti ti khawh a si.
A caan a thawk ka long a si rih. A tlai tuk ti a um bak lo hih unau. Atu nai te long ah an zuar caah. NUG nih a thawkka long a si tinak a si. Kawl zumh ning. Kawl miphun hi nika thlapa arfi (astrology) le number (numerology) a zum ngaimi miphun an si. Atu tiang an zumh rih. Kawl hruaitu poh nih hmailei kong a chimtu (soothsayers) hna le thil a cang khomi tiah ruahmi thin damternak kha bia an ruah an kawl ton hna. Myanmar ram zalonnak zong arfi nika thlapa zohthiam hna nih.
January 4, 1948, zingka suimilam 4 le minute 20 ah nan kan pek ah a tha lai an rak ti hna. A voikhatnak PM U Nu zong nih 1961 kum ah thetseh kawl biaknak pagoas 60000 a rak ser. Daihan a um khawhnak caah. Number pakua 9 zoh chih in a tu bantuk in pagodas tampi a rak saknak a si an ti. Ne Win zong astrologers le numerologiests hna kha 1962 uknak a lak hnu ah ruahnak a rak hal ton lengmang ve hna.
Cucaah 1970 kum ah kawlram kha fak piin thlennak a rak tuah. Kawlram hi kehlei ah a kal tuk. Orhlei ah kal a hau ti a rak si. 1987 kum ah myanmar kyat 45 le 90 zong a rak chuah. Lucky Number a rak ti. Atu tiang a thi kho rih lomi Than Shwe zong a u le nawl a rak cawn lengmang ve. Naypyitaw khuapi na ser a hau an rak ti. A rak ser. 2005 bak ah na ser a hau an ti ning in a rak ser.
Astrologers ruahnak pek ning tein a sermi a si. Ne Win Lucky number cu 9 a si i Than Shwe lucky Number cu 11 a si. Kan nih Zumtu Khrihfami kan caah cun ni vialte hi nisunglawi an si dih. Cu ni a thiang deuh, cu ni a thur eh, cu ni long ah ti bantuk cu Kawl zumhnak nih kan thluak a kan tawl pah cangmi sidawh kan si ko rua. Cu vial. General Aung San hi a thluak kal ning hrimhrim hi a rak i dang ko rua.
Tlangcung mi le kawlrawn mi minsak he aa lo lem lo. A ruang cu theih a si ve lo. Zeitindah a si? Amah a min Aungsan kha min hmai ah a sak a benh hmasa lehlam dih hna. Tahchunhnak Aung San Oo, Aungsan Suu Kyi tbt . Midang thluak le min pek he i lo sehlaw Suu Kyi Aungsan ti a si hnga cu mu… hehe.
Tlangcung le Kawlran poh cu hringtu an pa le an min kha a hnu bik ah an chiah dih. Tahchunhnak , Hringtu pa kha Khauh Khauh sisehlaw fanu siseh fapa siseh – min ah Ms Liang Liang Khauh Khauh ti phun in an i sak dih. Aung San hi a fa le min umtu ning zoh ah phundang pi bak a si hrimhrim ko. Crd – Thawng Za Pum.
MYANMAR NUHRIN COVO KONG AH DENMARK MINISTER LE UN SPECIAL ENVOY TONNAK AN NGEI
Myanmar ram buainak kong ah Denmark Minister le UN Special Envoy Dr. Nie Lin Hay Za ton biaruahnak an ngei i Myanmar ramchung ah Human Rights buarnak a karhtukmi le Humanitarian lam a pihtuk mi hi Denmark le UN nih zeitindah kan tawlrel lai i kan țuanti lai timi kong an ceih tiah Denmark Embassy nih a thanh.
A tu bantukin UN Palai he tonnak kan ngeih caah kai lawm tiah Denmark ram thanchonak lei Minister nihcun a chim, Myanmar mizapi he hmunkhat teah ka dir i Democracy nan ngah țhan khawh nak hnga ka si khawh chung in kan bawmh hna lai tiah a chim.
Mindat hrambunh ralkap 1 CDF-Mindat sin hriamnam he CDM a tuah
Mindat khuapi ah a um mi LIB 274 in ralkap pakhat cu CDF-Mindat sin hriamnam he ai dor tiah People’s Spring nih a langhter. Tuni March 25 ah a rak phan, meithal he a si caah kan biakam bantuk tein phaisa Sing 50 kyats kan pek tiah CDF-Mindat in chimnak nawl ngeitu Salai Ha Uan nih a chim.
Mindat in Matupi lei ah ralhrang tank 2 le motor 80 leng an i thawh
Nai teh Kyauh Htut in Mindat ah a rak kai mi ralhrang pawl kha a tu hi Matupi lei ah an lan cuahmah tiah theih a si.
Ralhrang Tank 2 le motor 80 leng cu Mindat khuapi in Matupi lei ah an i kal cuahmah lio a si.
274 camp in Mindat nitlak lei lampi kam ah heh tiah hriamngan in an kah thluahmah, Cucaah Matupi lampi zawh ah a um mi khua mi hna nih an khua chuah tak in a himnak hmun ah an zaam hna. Aho hmanh Lo le Dum ah kal rih lo ding in CDF-Mindat nih ralrinnak an pek hna.
Phaisaa Deu Cu Phanawk Um Lo By Zaw Min Htun
2008 phunghrampi zulh phung pohmah 36 (ngah) in Kawlram chungah phung ningiun serchuah mi phaisa, Phungning si loin tathmat mi a si lo nak kong, Phaisa deu kong zong online in hlennak a tampi a chuak tiah Zaw Min Htun nih tuni thawngzamh thianhhlimnak ah a chim.
” Cu ruangah Phaisa deu cu mipi lei in thinphannak a um loin zumhawk tlak in hman khawh a si” tiah Zaw Min Htun nih a chim. A Chim duhnak cu Phaisa deuh hman a ngah a ti nak a si i a hmang mi theih mi cu tzacuai an ngah tinak zong a si. . ” Phaisa 30000ks hal a dih in phone phih, account phih in hlennak pawl online ah a chuah” tiah a chim.
Online chungah phaisa deu tiin zuarnak cahmai pages (7) cu zohfelnak,tazacuai nak pawl tuanvo laknak kong zong a chim. Thawngpang theih ning ah cun mah cahmai pages (5) cu Myan Aung pengkulh, Ka Nawnay May police sakhan le Myan Aung khuapi police sakhan ah tazacuainak a um tiin theih a si.
A laun cia mi kum 2009 in 2010 ah phaisa deu ahmang mi voi 19 an rak tlaih bal cang hna. Kum 2020 in 2021 ah voi 6 le kum 2021 in 2022 ah voi 25 a si cang nak kong zong Zaw Min Htun nih a chim. Phaisa deu a hmanh mi tlaih nak a chuak 2021-2022 ah a tam bik a chuak ti zongin a chim.
Kum 2022 chungah Nay Pyi Saw, Kayin ram, Irrawaddy ramthen, Bago ramthen le Yangon ramtthen hna ah phaisa deuh tlaih mi hi thawnghra ca cu a tlap in thawng nga leng, Thawng nnga ca cu a tlap in thawng kua leng a um cang tiah kawlram chung thawngpang theih ning ah theih a si.
Zohfel A Si Lo Mi NLD Party Le SNLD Party Cu Phung Ningin Pek An Si Lai Tiah SAC Ralhrang Rian Khinh Khin Maung Oo Nih A Chim
NLD party le Shan party a si mi SNLD party cu zohfelnak aum lo ruangah Upadi he aa khat in hna tlak nak dantat nak tuah a si lai tiah SAC ralhrang lei in U Khin Maung Oo nih a chim. ” Kan mah lei zong in mah he pehtlai in , mah piatkuat nak he aa pehtlai ah cun Commission chungtel pawl an si.
Commission lei zong nih a tu kan mah nih kan tinpiah mi bantuk hi a si ko. Khual a tlawng lio mi minung pawl he kan i tong kho rih hna lo. Kha pawl an rak phak kan i ton a si ah cun kan mah nih kan i timh mi cu Tatmadaw hi a si. Tlamtling tein i ton khawh a si ah cun Upadi he aaa khat in a herh ning in bia chah nak kan ngei cang lai.
Mah biachah nak kan tuah tikah hi kong he pehtlai in kan mah lei nih theihter nak ca kan rak chuah te lai tiah” Khin Maung Oo nih a chim. Khin Mawng Oo nih tu ni Thawngzamh thianhhlimnak an tuah mi ah a tu bantuk in a chim hi a si.
Leave a Reply