Britain Cozah Nih Myanmar Buianak Kongah Zohfel Tein Tuanvo Ka Lak Lai
Myanmyar buainak hi kut kee, mithmai thla loin ka zoh i Fak piin tuanvo ka lak lai tiah Britain cozah i Asian vuanci a si mi Ms. Amanda Milling nih a chim. March thla ni 7 ah,
Britain cozah phu ramdang he aa pehtlai mi zung, ASEAN vuanci Amanda le NUG le Ramdang vuanci Daw Zin Mar Aung hna cu online in ton biaruah nak an ngeih nak hna ah a tu bantuk in a chim nak hi a si.
Britain cozah lei nih hramhram in uknak a la tu SAC ralhrang phu he aa pehtlai mi phu paoh paoh cu chawlehnak lei ah phihkhamnak an tuah hna i rampi thimnak cozah a si mi NUG cu a cohlang i thazaang a pek nak kong zong a chim chap.
Cu pinah ASEAN special palai khual tlawmnak ah an duh ning, thongtla pawl sinah nawl an bual nak kong, ICRC nih a tuah cuah mah mi Cahmai, SAC ralhrang a hlawhtling lo mi uknak a la mi SAC ralhrang hruainak sining,
Khuami, ram mi hna sinah harnak pek, dawhcah loin a tuahserh nak kong, ICC/ICJ he lunghlinh mi tuanvo lak nak ding, minung zawn ruahnak bomhchanh nak peetu tbt;… mah kong he pehtlai in zohfel tein tuanvo lak nak kong zong a chim.
RELCHAP…….
Thihdar, R.I.P Mithi Kan Ngei
Pu Van Awr, 72; Hriphi khuami Hakha Dawr Hlun Sang ummi nih nihin 2022 March 8; zing sml. 4:30 ah a kan liam taak.
Nihin 2022 March 8 zing sml.11:00 ah Funeral Service kan ngei lai.Tantaakmi chungkhar Bawipa nih in hnem ko hna seh!Credit-Immanuel Baptist Church
Miraltha (Hero) Ram pakhat ah ralkap training (tintan) ape tawntu senthum pa a um. Training an dih khawh in an umnak ding cio ah kal khawh a si cang a ti hna.Cun a thli tein a tapeh pawl hnu lei in a dawi hna “Bom”a hlawnh hnawh tawn hna. Bom cu a khu a chuak ciammam i ralkap pawl cu lau lengmang in a zam na, a tli na an si tawn. Cucu training a pek mi hna i a hnu bik cawnnak a si.
Voi tampi cu a tuah cang, nikhat cu khuaruahhar ngaingai thil pakhat a cang. Senthum pa nih a tapeh pawl cu an hnu lei in a dawi hna. Bom cu a hlawnh hnawh hna a khu a chuak thluahmah micheu an zam an tli, cu lio ah ralkap pa pakhat nih cu Bom cu a va dawi i a bawh hnawh, bom cu a puak lo.
Senthum pa cu a ra i, hi bom hi a puak lai tiah na ruat lo maw? zeicadah na rak bawh hnawh? tiah a hal. Ralkap pa nih a puak lai tiah ka ruah caah pei ka bawh hnawh cu a ti. Senthumpa nih ka thi lai ti na hngal lo maw? a ti.
Ralkap pa nih ka hngalh ko, keimah ka thih ahcun ka hawi le tal hi luat hna seh ka ti caah ka tuah mi a si a ti. Senthum pa nih a tapeh pawl cu a auh dih hna i, zohhmanh u! miraltha (hero) ti mi cu hi pa bantuk hi an si,
a mah nunnak ui lo in midang nunnak khamh duhnak a ngei mi an si, tiah a rak chimh hna. Crd.Mi nih a hawile caah dawtnak ngan bik a ngeih khawhmi cu an ca i a nunnak pek hi a si (John 15:13).Credit-Mah Azi
Leave a Reply