မြန်မာနိုင်ငံကြက်ခြေနီ phu in Matupi Ralzam bomhnak an peek hna!!

285386302_1024131381545863_7956060264828921109_n

Matupi Ralzaam Kongah SAC Ralhrang Nih Thanhnak A Tuah
========================

2022 June ni 5 ni ah Chinram, Mindat khuapi nichuah lei sang ah a um mi Taungbalu Phungki sianginn ah a um mi ralzaam mipi chungkhar phu 21, Nichuah lei kam Myo U phungki sianginn ah a um mi ralzaam chungkhar phu 21, San Piah sang, Bahu phungki sianginn ah a um mi ralzaam mipi chungkhar phu 21, Bawa Htit sang RC biakinn ah a um mi ralzaam mipi chungkhar phu 1, an zaa piin chungkhar 64 hna cu chungkhar phu khat cio ah Mark le thilri a dangdang telin kawlram tangkaa in 3776000 man cu မြန်မာနိုင်ငံကြက်ခြေနီ phu in bomhnak an peek hna tiah SAC ralhrang news a si mi Fitty Two News nih tuni zinglei suimilam 10:12 ah thanhnak a tuah.

Tulio cu ramchung he ramleng he kan ram dothlennak ah i telhlo ngah lo bak asi, mizeihmanh kan luat lo i kan luat kho fawn lo, luat i timh khawh zong asi lo i, luat ai timmi zong an um lai ka zum lo. Cucaah kan buaituk lio cio asi caah biaalnak le khat le khat sual i phawtnak tete zong naihrawng cu a vun tam ngai ramchung le ramleng lei dirhmun tete kong ah. Cu kong cu keimah pumpak ka hmuh ning le ka ka lungput tawite in vun Tial ve ka duh ko. Kan pasal/nusal tha CDF kongah zemaw tete biaalnak tete asiloah Facebook catialmi tete ah hmuh ding a vun tam ngai, cun keimah zong a kum in meeting a thu peng ve mi le fundraiser pakhat asi bal ve mi ka si i ramleng lei phaisa pakhat thawh le fund kawl cu a fawite mi asi ko timi biaka tete hi hmuh le tialmi tete a vun tam ngaingai naihrawng cu. Thantlang hi nikhat te nan ven khawh ahcun, Hakha nikhat te nan ven khawh ahcun, Kalay nikhat te nan ven khawh ahcun, ti asiloah, meithal voikhat te hmanh tlai ballo mi nih nan holh tak ko e, ramthumnak um riangmang in nan duhduh in bia nan chim ve nan ngamh tak ahcun meithal hung tlai ve u ca, phaisa $500/$1,000 hrawng thawh i nawl nan kan ngeih colh, timi biaka tete hmuh ding a tam ngaingai.

Ramchung ral timi ahcun tarnu le tarpa zeihmanh thahnem tilomi hmanh khi thathnemnak an rak ngeihnak zawn tete khi a um kho ve tawn. Nunnak pek bakin hriam he raldohtu hi kan hero cu nan si i, kan hmai kal (frontline) taktak cu nan si, kan in bochan hna i teinak zong nanmah kut ah a ummi, a biapi bikmi nan si hi philh cu chimlo kan in bochan tuk hna. Asinain theihthiam a herh ve mi cu mu, miramdang i manhlo tuk buin le caan ngeihchunh vialte pek in thinlung dihlak he nupi fate he hmanh chawnh caan ngei loin nan caah ningzah le an caan vialte kha an pek ve timi kha vun philh lai u cuh. Nupi le chungkhar he i then deng tiangin chungkhar ah nanmah caah riantuanmi an um len.

Kan ralkap pawl hi an hartuk sual lai tiin Khrihfabu hmanh ah an thawh khawh lomi do cawi chawmh in mitchinh kamseh in a vun i zuam tualmal mi zong ah tampi. Mi ngei nung caah cun $10,000 thawh hi a fawite ko, asinain company ah $17 hrawng tein a tuanmi, fale 5 tluk riantuan kho rih lomi tleirawl tete ngeimi, chungkhar pacem lawng riantuan mi, thlakhat hmuhmi $2,000 tluk lawng siin inn man, motor bill, Khrihfabu thawhvo, khua lei kaphnih chungle kuat peng hau ve mi harsa mi kan tamtuk rih. Asinain kan ram thlennak ding caah le kan ralkap pawl caah cun, tiah a thanalo in mi do cawimi ka theihmi an um len. Tulio thawhbur a hei tam ning le thawhbur khawlh ah zaangfak kan hei si tawn ning le a thanalo in an vai tualmal mi hmuh ahhin lung lei hi a hno, a tlinh kho bak ti lomi an tampi innchungkhar bill, Khrihfabu le kaphnih chungkhar phasa kuat he cun. Asinain vuihram cu chim lo an hmuh te dingmi lakkhah hna in mi an pe ko.

Cucaah cun, ramthumnak um riangmang in nan duhduh in rak holh hlah u, Thantlang le Kalay hi hung veng tuah hnik u, na phaisa thawhmi nai hngalsak kan in khirh lai, timi pawl bia hi cu chim ti lo ah a tha lai dah ka ti. Duhnak le tantuknak a faktuk ve tikah cu sual phawtnak biaka hi a rat tawn phung asi ko, CDF dawt lo ruang ah asi lo. Motor cu a kee a um lo ahcun a kal kho lo, a innpi a um fawn lo ahcun a kee lawng in a ngah fawn lo, cubantuk thiamthiam in a engine a um lo ahcun zeitindah a kal khawh lai? Cubantuk thiamthiam in kan ralkap pawl hi um hlah ulaw zeitindah kal cu kan doh khawh lai? Ralkap pawl nihhin meithal ngei hlah ulaw ralkap lawng cu zeidah a thathnem lai? Meithal zong cu a cawkpiak tu mipi um lo ahcun zeitindah nan ngeih khawh lai? Cucaah hi ral kan tei khawhnak ding ahcun kan dihlak in kan biapi, nang e, kei e, ti um sawh hlah seh, kan tei hrimhrim lai!

Min Aung Hlaing tel in kawlram lutlai pawl nih uknak an laak hnu ii an tuah ser mi crime he peh tlai in Turkey lutlai pawl nih check hlat nak an tuah cg tiah Myanmar Accountability Project – MAP phu nih a chim.Kawlram lutlai pawl nih mipi hna cung ii an tuah mi that lo nak pawl cu ramdang ii rampi pakhat nih check hlat nak a tuah hi a voikhat nak zg asi fawn. United Nations ii report pakhat ah cun ralkap pawl nih an thah mi hna kawlram mipi hi 1500 leng an si tiah theih asi.Hi report chung ah hin hriamtlai umnak hmunhma ii an thah mi hna an i tel rih lo caah uknak an laak hnu ii ralkap nih an thah mi hna hi hi nak in an tam deuh rih lai tiah an zumh.

Uknak doh ruang ah thong inn ah hren mi mipi hi 11,000 deng mang ansi lai tiah thongtla zohkhenh tu phu (AAPP)nih a thanh.Hi chung ah hin minung 100 leng cu hrem an tong lai tiah United Nations nih a zumh. MAP ii director asi mi Chris Ganas ni “hi ban tuk check hlat nak kan tuah mi cu ralkap a bawm tu tel in ralkap lutlai pawl cu vawlei pi nih a zoh/cawngh hna ,an tuah ning bantuk in a zizut an tong lai ti biacah kan duh hna caah si” tiah a chim. Kawl ralkap nih Rohingya pawl miphun tlau tiang in a thah hna tiah sual an puh hna hnu ah hi ban tuk in Turkey nih kawl ram mipi kong cu theih a duh chin chin nak hi asi.

Turkey cu United Nation Convention Against Torture- UNCAT ii hnatlak nak min a thu mi ram asi ii uknak la tu kawl ralkap nih kawlram mipi cung ii a tuah ser mi kong ah azizut ding in MAP phu nih kum hramthok tein Turkey khualipi ii biaceih nak zung pakhat ah tazacuai nak ca a chiah.

Mandalay ramțhen, Patheingyi peng Palik sakhan in palik Yar Zar Thein cu nizaan ah kah a tong i a thi tiah mizapi vengtu phu si mi Nat Soe Pyaut Kyar phu sin in theih a si. “Patheingyi palik sakhan chung in palik pakhat Kone Tan le Me Kin Kone lam kar chun suimilam 2:40 hrawngah meithal zun 4 in kah a tong. A hmun ah a thi colh i mizaw phur motor in an lak tiah theih a si” tiin Nat Soe Pyauk Kyar phu nih a chim.

Cubantuk thiamthiam in Mon ramkulh, Thanphyuzayat myo in Ye myo lei ah a chuak mi SAC ralkap motor 2 cu Aye Kaba khua le Ping Ne Taw khua kar ah June 2 zinglei suimilam 9:13 ah Taungnyo mizapi vengtu phu nih an kah. SAC chungtel 4 an thi i hliam a tuar mi zong an um kong Taungnyo mizapi vengtu phu (Mon ramkulh)nih thawng an thanh.

Post Views: 133

မြန်မာနိုင်ငံကြက်ခြေနီ phu in Matupi Ralzam bomhnak an peek hna!!

Be the first to comment

Leave a Reply Cancel reply